Focu
From Wikipedia
U focu hè u risultatu d'una riazzione chimica chì hè chjamata cumbustione. Di manera gpiù enerale, u focu si riferisce à un finominu chì produce u lume è/o u calore, ch'ellu pruvenghi o micca d'una cumbustione.
Cuntenutu |
[edit] Simbulisazione
In a filusufia chinese, u focu face parte di i cinqui elementi, incù u metallu, l'acqua, u legnu è a terra.
Indì l'alchimisti in Occidente, u focu face parte di i quattru elementi fundamentali, incù a terra, l'acqua è l' aria.
U focu hè assuciatu di solitu incù u Sole, chì anch'ellu produce calore è lume. Hè assuciatu dinù à spessu incù i vulcani.
[edit] U cultu di u focu
U focu hè integratu in e riligione di parechje culture è hè statu l'oggettu d'una adorazione da bon'parechji populi.
[edit] Persia
In Antichità, i Persi cunsideravanu u cultu di u focu cum'è a parte fundamentale di a so riligione è e ceremonie di u culte sò discritte di manera precisa in u Zend-Avesta. Ogni mane, i persi saltuvanau u sole chì si pisava, chì era u simbulu di u focu u più puru. Cunsideravanu dinù focu cum'è u prutttetore di i Stati è cunsirvavanu u focu sacru in i santuarii, induve ellu ùn ci mai ch'ellu si spignissi.
[edit] Grecia è Roma
In a mitologia greca, u focu hè statu arrubatu à i Dii è datu à l'omini da Prometeu.
[edit] Cristianisimu
L'usu di i cironi hè cumunu in a Ghjesa catolica è ortodossa. A fiara hè u simbulu di u Santu Spiritu.
[edit] Citazioni
U focu hè citatu à spessu in a litteratura è a cultura corsa. Par asempiu, in i pruverbii:
- Diu ti franchi di u focu, di l'acqua è di i falsi tistimonii.
- Natali à u ghjocu, Pasqua à u focu.
- Trè pignatte à u focu, hè festa ! Trè donne in casa hè gran'timpesta!
- Zigliara, focu è fiara.
- Accantu à u focu, a paglia ci stà mali.
- Chì hà bisognu di u focu, u piglia in manu.
- Chì s'ammorcia in u ghjocu, deve mette u culu à u focu.
- Focu d'alzu, focu falsu.
[edit] Rifarenzi
- Saravelli-Retali, 1976, A vita in Corsica per via di i pruverbii è i detti - La vie en Corse à travers proverbes et dictons, Nice: Don Bosco
[edit] Da vede dinù
- Incendiu
Issu articulu hè in custruzzioni. Pudeti cuntribuiscia à a so redazzioni.
