Moltifau
From Wikipedia
Moltifau hè una cumuna di u dipartimentu di a Corsica suprana.
| Moltifau | |
|---|---|
| Statu | Francia |
| Regione | Corsica |
| Dipartimentu | Corsica suprana |
| Circundariu | Pieve di Caccia |
| Cantone | capu locu di u cantone di Castifau-Merusaglia |
| Codice INSEE | 202162 |
| Codice pustale | 20218 |
| Merre | Serge Grisoni |
| Latitudine | 42° 29' 15" Nordu N |
| Lungitudine | 9° 06' 52" Levante E |
| Altitudine | media 325 m minima 200 m massima 2064 m |
| Superficia | 5 519 ettari (55,19 km²) |
| Pupulazione | 560 ab. (2004) |
| Densità | 10 ab./km² |
Cuntenutu |
[edit] Geografia
560 abitanti. Nantu 5 519 ettari, ci n'hè 800 di licceti. Capu cummunale di u cantone di Castifau-Merusaglia, si trova a 20 chilometri a punente nordu-punente di Merusaglia. Sta a 400 metri a u nordu di a sbuccata di e valle di l'Ascu dettu dinò u stranciacone chi franca a cummuna da levante a punente. A limita nordu levante hè u Tartaghjine chi righjunghje l'Ascu.
Restanu 4 pastori : capraghji e pecuraghji che facenu casgii é furmaglii. Uni pochi cuntadini alevanu vaccine pè u macellu. Un apicultore face u mele.
Ci sò dinò maestri è inprese di travagli pubblichi
St'ultimi anni, u turismu s'hè svillupatu : spelunche di u Petralbellu, canoë-kayak nant'a l'Ascu, via ferrata di a Manicella (350 m), ponti genuvesi è rumani, u paese di e cuppulate.
A a limita di a communa si trovanu e ruvine di u cunventu di Caccia chi fu distruttu in 1510, rifattu in 1553 è torna arruvinatu a a rivoluzione francesa. Indè stu cunventu hè stalbata a prima Cunsulta Naziunale corsa in 1755 induvé sò stati cuncipiti i principi di a prima costitizione corsa.
In più di una Posta, c'hè una scola è un cullegiu pubblicu (110 alevi).
A cummuna ha cresciutu di 110 abitanti tra 1999 è 2004, ciò hè 20%.
