Pub

From Wikipedia

Un pub(parolla d'origine irlandesa chi vene di a spressione public house) hè un loccu induva si riunnisce a ghjente chi si trova in numaru impurtante in Ingliterra, Paese Gallu, Scossa è l'Irlanda, mà sè spurtatu in altri paesi. Ssu loccu face partita piena in a sucietà è ghjè un usu d'andà a u pub pà beie una bierra cù i sò amichi.

[edit] Storia

L'Ale, bierra a fermantazione alta, hè pruduta a partesi di l'antichità è, cù a ghjunta di i Rumani, chi custruiscenu e vie, appariscenu l'ustarie chi servìanu u loghju è a bierra à i viaghjatori. Dopu, a pruduzione di a bierra si sviluppa è si specialisa ciò chi permette a spanzione di i primi pub. Una spanzione tantu forte chi, in 965, u rè deve fà una lege chi interdisce d'avè più d'un pub pà paesi.

In 1393, a causa di a difficultà a truvà un pub in cità, u rè Ricardu II damanda l'ubligazione pà tutti i pub di mette un insegna davanti.

A spanzione culuniale di u Regnu Unitu si face cù i pub, è si trovanu assai pub in l'anziane culunìe inglese.

[edit] L'ambiente

I pub sò sopra tuttu lochi pà arritruvassi trà amichi in giru a una bierra pà parlà ò fà a festa. I pub sò dinò QG di l'hooligan, chì nanzu a e partite, beienu assais bierre pà esse prontu a l'azzuffu contra sustenitori di l'altra squadra.