Riticeddu Sintineddi
From Wikipedia
U « riticeddu sintineddi » (o Riticellu Sintinelle) hè un riticeddu di 1260 medichi ghjiniralisti libarali (2% di a tutalità di i medichi ghjiniralisti libarali in Francia mitrupulitana) benivulenti è vuluntarii spartuti à nantu à u tarrittoriu mitrupulitanu francesu. I medichi membri sò ditti « medichi sintineddi ». Issu riticeddu, criatu in nuvembri 1984 da u prufissori Alain Jacques VALLERON, hè animatu da « l’Unité mixte de recherche en Santé INSERM – Université Pierre et Marie CURIE». U so scoppu hè di surviglià 14 indicatori di saluta.
Cuntenutu |
[edit] A surviglianza cuntinua di 14 indicatori di saluta
Issu sistema naziunali di surviglianza parmetti di racoglia, d’analizà, di priveda è di ridistribuiscia in tempu riali i dati ipidimiulogichi isciuti da l’attività di i medichi ghjiniralisti libarali. Hè intigratu à u dispusitivu di surviglianza missu in piazza da « l’Institut de veille sanitaire » (INVS). (Avvisu favurevuli di a CNIL n° 471393).
I 14 malatii suvitati currispondini à 11 indicatori infizziosi :
- Grippa dipo’ 1984
- Andà di corpu acutu (gastro entérite) dipo’ 1990
- Russitu dipo’ 1984
- Buccignoni dipo’ 1985
- Varicedda dipo’ 1990
- Zonà (focu di Sant'Antonu) dipò 2004
- Urétrite masculine dipo’ 1984
- Epatita A, B è C dipo’ 2000
è à 3 indicatori non’ infizziosi :
- Affanu dipo’ 2002
- Tintativi di succidu dipo’ 1999
- Ricorsu à l’uspitalisazioni dipo’ 1997
Pà a grippa, a gastro entérite è a varicedda, issa surviglianza parmetti di priveda, d’avvedasi è di privena di l’affaccata d’ipidimii naziunali o righjunali.
I dati chì ùn sò micca numinativii sò trasmissi par via d’internet da i « medichi sintineddi » è facini crescia una basa di dati (sistema d’infurmazioni ghjiugraffichi) Un bulittinu sittimanali (sentiwebhebdo) hè stampatu tutti i marti à nantu à u purtonu di u « riticeddu sintineddi » è trasmissu par via di ‘’mail’’ à più di 4000 abbunati è à i medià naziunali maiò. Un « bilanciu annuali » hè dinò stampatu incù tutti i dati è missu in ligna à nantu à u situ internet in a sizzioni : « documentation/bilans annuels ».
U « riticeddu sintineddi » hè un centru chì cullabureghja incù l’Urganisazioni mundiali di a Saluta (OMS) pà a surviglianza ilittronica di i malatii infizziosi.
[edit] A ricerca scientifica
I dati isciuti da u « riticeddu sintineddi » parmettini d’ilaburà
- mudeli di dittizzioni è d’alerti à partasi di u mittudu dittu di « a sarpi di SERFLING » (Costagliola D. et coll., Am. J. Public Health, 1991
- mudeli pà priveda l’ipidimii à scali ghjiugraffichi diffarenti (mittudu di l’analugii : Viboud C. et coll., Am J Epidemiol, 2003)
[edit] Ipidimiulugia di tarrenu
Inchiesti ipidimiulogichi puntuali sò rializati incù i « medichi sintineddi » . Sò fatti in u rispettu di i boni pratichi ipidimiulogichi stampati da « l’Associu di l’ipidimiulugisti di lingua francesa » (ADELF). T’ani tutti un numaru d’ordini nuttatu in un prutucolu scrittu. Facini l’ughjettu d’un rapportu finali di studdii.
Sò sottumissi à prucidurii d’auditu internu pà assicurà a so qualità è ani ricivutu un avvisu favurevuli di a CNIL (n° 471 393)
I risultati di iss’inchiesti sò missi in ligna à nantu à u situ di u « riticeddu sintineddi » in a sizzioni : « documentation/ enquête ponctuelles »
[edit] Liens externes
- (in francesu) Réseau Sentinelles
- (in francesu) Organisation Mondiale de la Santé (OMS)
- (in francesu) Institut de Veille Sanitaire (InVS), Surveillance des maladies
- (in francesu) Unions Professionnelles des Médecins Libéraux
- (in francesu) Réseau Santé sociale
- (in francesu) Unité mixte de recherche 707 (UMR-S 707)
- (in inglesu) Centers for Disease Control and Prevention
- (in inglesu) Centre d'Eurosurveillance des maladies transmissibles
