Wapahke

From Wikipedia

Mikwac eapiyan nitihtapewinihk, oskinikew nipinatik ekwa nitakwicimik. "Napew, kikwan ohci nitotem kaki otinahk opimatisiwin, niwi nataw." Witapimin nititaw, wapahke athimotahtan.

Paspapi, ekwa pasakwapi, tapiskoc mikwac emitawaniwahk emakosiwikisikak ekwa kitha nistam kita nikamowin, maka nawac isa ekota kitayan, kahkithaw isa awasisak iphochik maka mwac isa kmacihtawak oma mitawiwin, athis eka ikota ayayin.

Kihtwam pahawk taw sam bla michovahik, mikwac isa Kiwitinohk Piponiwi Mitawiwina epimipathitamiwahki ekwa isa kitha ekanawiskwahtawiin. Mitataht niyananosap akihtasowina piko eka kita mitawaniwahk ekwa mwac chiskwa awina esapwahahk. Kamihkwaspisochik isa esapohtawipathihocik, Nohta! ekwa isa ika enawihtakosit okanawiskwahtawew, mwac isa ayayin ikota, tapwe isa mihtatamwak kichiwitamawinakanak, nitohtawike matotaskwaw, tanite ayayin eitwecik, kinitawenimitinanisa eisi matotaskwaw.

Iskayac paspapi, kanawapamik niki neyo otapanaskwak, kahkithaw atihkwa ipimitapechik, tapwe etoke mihcet kita mithowihtamwak. Maka wapamik, nisto piko omaciwak etakosihkwaw. Kanawapanik kinikihikwak, mwac kikwan withawaw eayacik. Nitohtaw kimama, "Mwac ci kikwan nithanan ohci?" eitwe naskowasihik isa omaciwa, nikiwapamanan otapanaskwa kikosis, maka mwac ohci pimipathihew. Kimihtatamatin, kisaspin ci piko ki mamitonithihtahk wapahke. Kita kiwapahtahk mithowicihiwiwin asici kisiwatisiwin, kitaki wapahtahk wici kiskinwahamatowin! Maskoc etoke ahpo kaki wihtamakohtay kikwathiw kaki mikoskacihikot ethowitha kitaki otinahk opimatisiwin.

Ekwa kititin, mikwac ewitapimiyin. Mwac kapi mocikiwihtakwan pimatisiwin, maka kakiki wapahki kita takwan.

... kahkithaw aniki kamihtatahkwaw, ekwa kahkithaw kithawaw eka kawimihtatitahk ohci oma ayamihcikiw.