Harriet Beecher Stowe

Oddi ar Wicipedia

Roedd Harriet Elizabeth Beecher Stowe (14 Mehefin, 1811 – 1 Gorffennaf, 1896) yn nofelydd Americanaidd ac ymgyrchydd yn erbyn caethwasiaeth. Mae'n fwyaf enwog fel awdur y nofel Uncle Tom's Cabin (1852).

Ganed hi yn Litchfield, Connecticut, yn ferch i Lyman Beecher a Roxana Foote Beecher. Dywedir fod y teulu o dras Cymreig. Roedd ei thad yn bregethwr, a daeth ei brawd, Henry Ward Beecher, i amlygrwydd fel pregethwr yn ddiweddarch. Yn 1836 priododd Calvin Ellis Stowe, yntau'n weinidog, a symudasant i Brunswick, Maine. Cawsant saith o blant , ond bu farw pedwar ohonynt o flaen Harriet.

Dechreuodd ysgrifennu o ddifrif yn 1851, yn rhannol oherwydd ei hawydd i wneud rhywbeth i wrthwynebu caethwasiaeth, gyda chefnogaeth William Lloyd Garrison, golygydd The Liberator. Ymddangosodd ei gwaith yn y papur The National Era dan y teitl Uncle Tom's Cabin or Life Among the Lowly. Yn 1852 cyhoeddwyd y gwaith fel llyfr, a bu'n llwyddiant enfawr. Gwerthwyd 300,000 o gopiau yn yr Unol Daleithiau y flwyddyn gyntaf, ac erbyn 1854 roedd y llyfr wedi ei drosi i 60 o ieithoedd gwahanol.

[golygu] Gweithiau (anghyflawn)

• The Mayflower; or, Sketches of Scenes and Characters Among the Descendants of the Pilgrims (1834)
• Uncle Tom's Cabin (1852)
• A Key to Uncle Tom's Cabin (1853)
• Dred, A Tale of the Great Dismal Swamp (1856)
• The Minister's Wooing (1859)
• The Pearl of Orr's Island (1862)
• Fel "Christopher Crowfield"
  • House and Home Papers (1865)
  • Little Foxes (1866)
  • The Chimney Corner (1868)
• Men of Our Times (1868)
• Old Town Folks (1869)
• Little Pussy Willow (1870)
• Lady Byron Vindicated (1870)
• My Wife and I (1871)
• Pink and White Tyranny (1871)
• Palmetto-Leaves (1873)
• We and Our Neighbors (1875)
• Poganuc People (1878)