Magnus Bäckstedt

Oddi ar Wicipedia

Magnus Bäckstedt

Manylion Personol
Enw Llawn	Magnus Bäckstedt
Llysenw	Magnus Maximus
Dyddiad geni	30 Ionawr 1975
Gwlad	Sweden
Taldra	1.93m
Pwysau	94kg
Gwybodaeth Tîm
Tîm Presennol	Liquigas
Disgyblaeth	Ffordd a weithiau Trac
Rôl	Reidiwr
Math o reidiwr	Arbenigwr y Clasuron
Tîm(au) Proffesiynol
1996–1997 1998–2001 2002–2003 2004 2005–	Collstrop-Palmans Crédit Agricole Team Fakta Alessio-Bianchi Liquigas
Prif gampau
Paris-Roubaix, 2004 Cam 1, Tour de France, 2005
Golygwyd ddiwethaf ar:
19 Medi, 2007

Seiclwr ffordd proffesiynol o Sweden ydy Magnus Bäckstedt (ganwyd 30 Ionawr 1975 yn Linköping, Östergötland). Mae'n reidio dros dîm Liquigas. Mae Magnus wedi ennill y llysenw 'Magnus Maximus' (Cymraeg: Magnus Mawr) gan ei fod yn 193 centimedr o daldra â phwysau o 94 cilogram, ef yw un o'r seiclwyr mwyaf ym myd seiclo proffesiynol. Dechreuodd ei yrfa proffesiynol gan reidio i dîm Collstrop yn 1996, cyn symyd ymlaen i dîm Palmans yn 1997. Wedi newid i dîm GAN, yn 1998, dechreuodd lwyddiant proffesiynol Bäckstedt gyda 7fed safle yn ras Paris-Roubaix abuddugoliaeth ar Gam 19 y Tour de France rhwng Chaux-de-Fonds a Autun. Ailenwyd GAN yn Crédit Agricole ar ddechrau tymor rasio 1999 a cariodd Magnus ymlaen i fod yn aelod o'r tîm tan 2001, heb ail-adrodd ei lwyddiant o 1998.

Yn 2002 a 2003, reidiodd dros dîm Team Fakta, ef oedd y reidiwr cryfaf yn y tîm yn nhymor 2003. Wedi i dîm Team Fakta ddod i ben, symudodd i dîm Alessio-Bianchi a dychwelodd i lwyddiant yn ras Paris-Roubaix 2004. Symudodd i dîm Liquigas-Bianchi yn 2005, a bu'n ail safle ar Gam 7 y Tour de France, o Lunéville i Karlsruhe.

Bydd Bäckstedt yn reidio yn nhîm Team Slipstream yn nhymor 2008^[1].

Mae Magnus yn briod i'r seiclwraig Cymreig, Megan Hughes ac mae ganddynt ddau o blant, ganed ei ferch hynnaf, Elynor Megan Bäckstedt yn Ionawr 2002, a Zoe Jane Bäckstedt yn Tachwedd 2004. Fel seiclwr proffesiynol mae Magnus wedi byw mewn sawl gwlad, bu'n byw yn Zulte, Gwlad Belg yn 2003. Erbyn heddiw, mae'n byw yn Llanilltud Fawr, Bro Morgannwg, ac yn ôl y BBC, nid yw'r siwr os mai Swedwr neu Cymro ydyw bellach ac roedd yn ystyried cystadlu yng Ngemau'r Gymanwlad drost Gymru.^[2]

[golygu] Canlyniadau

[golygu] Dolenni Allanol

• Gwefan Swyddogol
• Poffil ar wefan Undeb Seiclo Denmarc

[golygu] Ffynhonellau

1. ↑ Backstedt Bound For Slipstream-Chipotle londoncyclesport.com
2. ↑ Village cheers on cycle hero BBC 3 Gorffennaf 2004