Morffoleg (iaith)

Oddi ar Wicipedia

Ieithyddiaeth

Ieithyddiaeth ddamcaniaethol

Seineg

Ffonoleg

Morffoleg

Cystrawen

Semanteg

Semanteg eiriadurol

Arddullegol

Pragmateg

Ieithyddiaeth hanesyddol

Ieithyddiaeth gymdeithasegol

Caffael iaith

Ieithyddiaeth gymhwysol

Ieithyddiaeth wybyddol

Mewn ieithyddiaeth, morffoleg yw'r astudiaeth o adeiladwaith geiriau, am y rhyngwyneb rhwng ffonoleg a chystrawen. Mae cydrannau yn eiriau, sy'n cael eu hadnabod fel morffemau.

Gwahaniaethir rhwng morffoleg ffurfdroadol a morffoleg darddiadol. Mae morffoleg ffurfdroadol yn ymdrin â sut mae geiriau'n newid eu siâp i fynegi nodweddion gramadegol megis rhif (unigol neu luosog) mewn enwau, neu amser (presennol neu gorffennol) a pherson mewn berfau. Mae morffoleg darddiadol ar y llaw arall yn ymdrin â sut mae morffemau yn clymu wrth ei gilydd i fynegi gwahaniaethau geirfaol, fel, er enghraifft, y gellir creu ansoddeiriau yn y Gymraeg drwy ychwanegu'r olddodiad -og at fôn enw, megis haul + -og > heulog.

Fel arfer, mae morffemau ffurfdroadol yn digwydd yn agosach at fôn gair na morffemau tarddiadol. Gwelir hyn yn y Gymraeg mewn ffurf megis lleihaodd, sy'n cynnwys tair morffem, llai + -ha- 'peri' + -odd 'trydydd unigol gorffennol'. Morffem darddiadol yw -ha- sy'n creu berf yn golygu 'peri i fod yn' allan o ansoddair, a morffem ffurfdroadol yw -odd gan ei bod hi'n mynegi nodwedd ramadegol, amser gorffennol. Mae'r drefn yn yr achos hwn felly yn adlewyrchu'r tueddiad cyffredinol mewn iaith.

[golygu] Cysyniadau pwysig

• Morffoleg ffurfdroadol

• Rhediad

• Morffoleg darddiadol

• Cyfansoddion
• Dodiaid: rhagddodiaid, olddodiaid a mewnddodiaid