Neil Kinnock
Oddi ar Wicipedia
Mae Neil Gordon Kinnock (ganwyd 28 Mawrth 1942 yn Nhredegar), yn wleidydd o Gymro, arweinydd y Blaid Lafur 1983-1992. Mae'n briod i Glenys Kinnock.
Roedd e'n un o'r prif ymgyrchwyr yn erbyn polisi'r Blaid Lafur adeg y refferendwm yn 1979 i gael cynulliad i Gymru. Bu Kinnock yn wrthwynebus i'r iaith Gymraeg ar hyd ei yrfa. Cyhuddodd un o ysgolion Gwynedd o rwystro plentyn rhag mynd i'r toiled am nad oedd yn gallu gofyn yn y Gymraeg. Dangosodd ymchwiliad bod y cyhuddiad yn gwbwl ddi-sail. Cred llawer ei fod wedi bradychu'r glowyr yn ystod y Streic Fawr a arweiniodd at danseilio'r diwydiant glo, gan chwalu nifer fawr o gymunedau.
Er gwaethaf ymrwymiad Kinnock i'r wladwriaeth Brydeinig a'i wrthwynebiad ffyrnig i unrhyw fath o genedlaetholdeb Cymreig, pan oedd yn arweinydd ei blaid cafodd ei ddilorni'n gyson gan y wasg yn Lloegr am ei fod yn Gymro. Y disgrifiad enwocaf ohono gan y wasg tabloid oedd "Welsh windbag".
Roedd yn is-arlywydd Comisiwn Prodi yn Senedd Ewrop o 1999 hyd 2004. Fe'i adnabyddir bellach fel 'Baron Kinnock' ac mae ganddo sedd yn Nhŷ'r Arglwyddi yn Llundain.
Llywydd Prifysgol Caerdydd ydy e 'nawr.
| Rhagflaenydd: Harold Finch |
Aelod Seneddol dros Bedwellty 1970 – 1983 |
Olynydd: etholaeth <abolished> |
| Rhagflaenydd: etholaeth newydd |
Aelod Seneddol dros Islwyn 1983 – 1995 |
Olynydd: Don Touhig |
| Arweinwyr y Blaid Lafur |
|---|
|
Keir Hardie • Arthur Henderson • George Nicoll Barnes • James Ramsay MacDonald • Arthur Henderson • William Adamson • John Robert Clynes • James Ramsay MacDonald • Arthur Henderson • George Lansbury • Clement Attlee • Hugh Gaitskell • George Brown • Harold Wilson • James Callaghan • Michael Foot • Neil Kinnock • John Smith • Margaret Beckett • Tony Blair • Gordon Brown • |
