Queen

Oddi ar Wicipedia

Queen

Queen yn 1984
Gwybodaeth Cefndirol
Cerddoriaeth	roc
Blynyddoedd	1970 -
Label(i) Recordio	Parlophone
Gwefan	Gwefan swyddogol
Aelodau
Brian May Roger Taylor
Cyn Aelodau
John Deacon Freddie Mercury

Grŵp roc byd-enwog o'r Deyrnas Unedig ydy Queen ai ffurfwyd yn Llundain yn 1970 gan y gitarydd, Brian May, y canwr Freddie Mercury a'r drymiwr Roger Taylor, ymunodd y gitarydd bâs John Deacon blwyddyn yn ddiweddarach. Cododd Queen i'r amlwg yn ystod yr 1970au, maent yn un o fandiau mwyaf llwyddianus Prydain dros y tair degawd diwethaf.^[1]

Mae'r band yn nodweddiadol am ei amrywiaeth cerddorol, gyda cyfansoddiadau aml-haenog, harmoniau llais a chyfuniad cyfranogaeth y dorf yn eu perfformiadau byw.^[2] Etholwyd eu perfformiad yn Live Aid 1985 y perfformiad cerddorol gorau erioed gan arolwg barn y BBC yn 2005.^[3]

Cafodd Queen lwyddiant cymedrol yn gynnar yn yr 1970au gyda'r albymau Queen a Queen II, ond rhyddhad Sheer Heart Attack yn 1974 a A Night at the Opera y flwyddyn canlynol a enillodd llwyddiant rhyngwladol i'r band. Mae pob un o albymau stiwdio'r band wedi cyrraedd safle rhif 1 mewn amryw o siartiau ar draws y byd. Ers 1973, maent wedi rhyddhau pymtheg albwm stiwdio, pump albwm byw a nifer o albymau casgliad. Yn ôl OhmyNews, mae'r band wedi gwerthu dros 300 miliwn copi ar draws y byd,^[4] gan gynnwys mwy na 32.5 miliwn yn yr Unol Daleithiau yn unig,^[5] gan eu gwneud yn un o'r bandiau sydd wedi gwerthu'r nifer fwyaf erioed.

Yn dilyn marwolaeth Freddie Mercury ac ymddeoliad John Deacon yn yr 1990au,^[6] mae'r gitarydd Brian May a'r drymiwr Roger Taylor wedi gwithio ynghyd â Paul Rodgers odan yr enw Queen + Paul Rodgers.

Hanes

Dyddiau Cynnar (1969-1973)

"I thought up the name Queen. It's just a name, but it's very regal obviously, and it sounds splendid. It's a strong name, very universal and immediate. It had a lot of visual potential and was open to all sorts of interpretations." Freddie Mercury

Yn 1969, penderfynodd y gitarydd Brian May, myfyriwr yng Ngholeg Imperial Llundain, a'r gitarydd bâs Tim Staffell ffurfio grŵp. Rhoddodd May hysbyseb ar hysbysfwrdd y coleg ar gyfer drymiwr o "fath Mitch Mitchell/Ginger Baker"; clywelwyd Roger Taylor, myfyriwr deintyddol ifanc, a chafodd y swydd. Gelwyd y grŵp yn Smile a gweithiont fel act cefnogol ar gyfer bandiau megis Jimi Hendrix, Pink Floyd, Yes a'r Genesis gwreiddiol. Arwyddwyd Smile i label Mercury Records yn 1969, a cawsont eu seisiwn recordio cyntaf yn Trident Studios y flwyddyn honno. Roedd Staffell yn mynychu Ealing Art College gyda Farrokh Bulsara, a adnabyddwyd yn ddiweddarach odan yr enw Freddie Mercury, a cyflwynodd ef i'r band. Daeth Bulsara yn ffan yn fuan. Gadawodd Staffell yn 1970 i ffurfio band arall, Humpy Bong;^[7] annogwyd yr aelodau a oedd ar ôl yn Smile i newid eu henw i "Queen" gan Bulsara, a parhaont i weithio gyda'i gilydd.^[7] Cafodd y fand nifer o chwaraewyr gitar fâs yn ystod y flwyddyn hon, gan newid yn gyson gan nad oeddent yn cydweddu gyda'r band. Ym mis Chwefror 1971 penderfynont gael John Deacon a dechreuont ymarfer ar gyfer eu albwm cyntaf.^[8]

Yn 1973, ar ôl cyfres o oediadau, rhyddhaodd Queen eu albwm cyntaf, a'i ddylanwadwyd yn dryf han heavy metal a progressive roc yr adeg. Derbynwyd yr albwm yn dda gan y berniaid; dwydoedd Gordon Fletcher o'r Rolling Stone fod eu albwm yn ardderchog ("their debut album is superb").^[9]