Цврста агрегатна состојба
Од Википедија, слободна енциклопедија
Супстанците во цврста агрегатна состојба имаат и сопствена форма и сопствен волумен. Меѓутоа, некои од нив имаат правилна внатрешна градба, а некои иако имаат правилна надворешна форма, немаат правилна внатрешна градба. Супстанците со правилна внатрешна градба се викаат кристали, додека оние со неправилна се викаат аморфни супстанци. Всушност, кај овие супстанци постои средена структура само во мал дел од супстанцата. Тие се среќаваат поретко од кристалните.
[уреди] Молекулски и атомски кристали
Ковалентните соединенија во цврста агрегатна состојба градат молекулски и атомски кристали.
Молекулски кристали се оние кристали кај кои градбени единки во кристалот се молекули. Овие молекули во кристалот се држат меѓу себе или со водородни врски, или со ван дер Ваалсови привлечни сили. Примери за вакви кристали се мраз, јод, сулфур, нафтален итн.
Градбените единки во атомските ковалентни кристали се атоми кои меѓу себе се поврзани со ковалентни врски. Примери за вакви кристали се дијамант, силициум карбид, силициум диоксид, бор нитрид и други. Бидејќи ковалентните врски се доста силни, ваквите супстанци се одликуваат со голема тврдина, со високи температури на топење и не се раствораат во вода.
[уреди] Видете исто така
- Агрегатна состојба
- Течност
- Гас
- Кристал
- Аморфност.
