नऊवारी साडी

Wikipedia कडून

महाराष्ट्र, कर्नाटक आणि आजूबाजूच्या राज्यांत पूर्वापार वापरली जाणारी साडी. हिची लांबी नऊ ते साडे नऊ वार (yards) असल्याने हिला नऊवारी साडी असे म्हटले जाते.

राजा रविवर्मा यांच्या चित्रातील नऊवारी साडी नेसलेली राणी दमयंती

शेतात किंवा इतर कामे करणार्‍या बायका ही साडी घोट्याच्यावर किंवा गुडघ्याखालपर्यंत नेसतात तर घरात, समारंभासाठी किंवा इतर ठिकाणी ही साडी घोट्याखालपर्यंत नेसली जाते. या साडीच्या दुभागलेल्या काष्टा पद्धतीमुळे काम करण्यास, जलद वावर करण्यास ते घोडेस्वारी करण्यापर्यंत ही साडी सुरक्षित समजली जाई/ जाते. इतिहासात झाशीची राणी लक्ष्मीबाई, कित्तूरची राणी चेन्नम्मा यांची नऊवारी साडी ही वेशभूषा होती आणि या वेशभूषेतूनच त्यांनी शत्रूशी लढाई केली.