मिरज
Wikipedia कडून
मिरज हे दक्षिण महाराष्ट्रातील एक महत्त्वाचे शहर आहे. मिरज हे एक महत्वाचे रेल्वे जंक्शन आहे.तसेच वैद्यकिय सोयीसुविधा आणि शास्त्रीय संगीत यासाठीही मिरज शहर प्रसिध्द आहे.
शहरात वानलेस मेमोरियल रूग्णालय, वानलेस चेस्ट रूग्णालय, मुंबईच्या सिध्दिविनायक गणपती ट्रस्टचे कर्करोग रूग्णालय आणि इतर अनेक रूग्णालये आहेत.वानलेस मेमोरियल रूग्णालयचे वैद्यकिय महाविद्यालय सुध्दा आहे.दर्जेदार वैद्यकिय सोयींची उपलब्धता आणि रूग्णांना लवकर उतार पडेल अशी हवा या कारणांमुळे महाराष्ट्राबरोबरच कर्नाटक आणि आंध्र प्रदेश या राज्यांमधुनही अनेक लोक औषध उपचारांसाठी मिरजला येतात.
मिरज शहर हे विविध प्रकारच्या तंतुवाद्यांच्या निर्मितीसाठी प्रसिध्द आहे.प्रख्यात गायक उस्ताद अब्दुल करीम खान हे मुळचे मिरजचे होते.
