लिओनार्ड ऑइलर
Wikipedia कडून
स्विस राष्ट्रीयत्वाचे लिओनार्ड ऑइलर हे जगाच्या इतिहासातले एक सर्वोच्च गणितज्ञ मानण्यात येतात. त्यांनी लिहिलेलेल्या गणितातल्या संशोधनपर लेखांनी ७५ जाडेजुडे ग्रंथ व्यापलेले आहेत! ते ७६ वर्षे जगले, पण त्यांच्या तरुणवयापासूनच त्यांची दृष्टी काही व्याधीने मंदावली होती. अविश्वसनीय पण सत्यस्थिती अशी की आपल्या वयाच्या ५९व्या वर्षी त्यांची दृष्टी अजिबात गेल्यानंतर त्यानी आपले गणितातले अर्ध्याहून अधिक संशोधनपर लेख रचले!
त्यांची बुद्धीमत्ता इतकी अलौकिक होती की गणितातल्या कूट समस्या ते मनातल्या मनात सोडवू शकत असत, आणि गरज पडली तर ते आकडेमोड ५० दशांश अंकांपर्यन्त अचूक करू शकत!
(वेगवेगळ्या ज्ञानशाखांमधे देदीप्यमान होणारी माणसाची अशा तऱ्हेची अचाट बुद्धीमत्ता पहाण्यात आणि गणित, पदार्थविज्ञान, रसायनविज्ञान वगैरे सगळ्या शाखांमधले ज्ञान किंचित का होईना जाणून घेण्यात आणि त्याद्वारे निसर्गातली महदाश्चर्ये पहाण्यात परमेश्वरदर्शन निःसंशय प्रकर्षाने होते.)
