Ahlheit
From Wikipedia
Ahlheit (ok Ahlheid) is een plattdüütschen Vörnaam för Deerns.
[Ännern] Herkamen
Ahlheit is de plattdüütsche Utspraak vun den düütschen Naam Adelheid. De kümmt nu wedder ut de oolt- hoochdüütsche Spraak to de Tiet vun de Germanen. As dat bi ole germaansche Naams begäng is, steekt dor twee Wöör in. Adal heet so veel as vörnehmen Sinn oder vörnehme Aart un Heit bedutt so wat as Utsehn oder Gestalt.
[Ännern] De plattdüütsche Naam
Ahlheit is just so schreven, as Plattsnackers den Naamen Adelheid utspreken döen. Anners, as bi de Formen Alike, Alecke, Alke oder Alcke, fehlt hier de afsünnerlichen Kennteken för plattdüütsche Naams: De Naam is nich afkört un he hett keen Anbacksel (Suffix), wat em lüttjer maakt (Diminutiv), as dat bi de meisten olen plattdüütschen Naams begäng is. Een kann woll seggen, düsse Naam is bruukt wurrn vun Lüde, de sik een beten wat vörnehmer düchen, as dat gewöhnliche Landvolk. Dat mutt nich heten, dat he nich oolt is.
[Ännern] Fundöörd
In ole Listen un Urkunnen finnt sik düsse Naam
- 1664 in Stuhr (Ahlheit)
- 1758 in Huchting (Ahlheit)
- 1763 in Arbergen (Ahlheid)
- 1769 in Seehusen bi Bremen (Ahlheit)
Kiek ok nah bi de List vun plattdüütsche Vörnaams
