Arnold Duckwitz
From Wikipedia
Arnold Duckwitz (*27. Januar 1802 in Bremen;†19. März 1881 in Bremen) weer een Koopmann, düütschen Politiker un Bremer Börgermeester.
An'n 22. November 1840 is he in dat Kollegium vun de Öllerlüde wählt wurrn un vun 1841 af an weer he Senator. 1848 höör he to de Liberalen to, de sik för een nee Politik insetten döen. He weer Liddmaat vun dat düütsche Vörparlament un hett as een, de dor kunnig weer, bi den Utschuss för Volksweertschop vun de nationale Versammeln in Frankfort an'n Main mitmaakt. In'n Juli 1848 hett de Rieksverweser em to'n düütschen Minister för den Hannel beropen. Ok, as de düütsche Flott in Gang bröcht wurr, weer he dor mit bi. In'n Summer 1849 hett he in Frankfort Bott geven un güng nah Bremen torüch. Dor is he wedder in den Senat intreden. 1857 bit 1863 un denn noch mal 1866 bit 1869 is he Börgermeester ween. 1875 is he ut den Senat uttreden. He begrööt dat Tostannkamen vun dat düütsche Riek. 1877 hett he dat Book „Denkwürdigkeiten aus meinem öffentlichen Leben 1841-1866“ rutbröcht.
Sietenkategorien: Bremen | Historie | Mann | Politiker
