Arnsberg

From Wikipedia

Arnsberg is ene ehemaalsche Hansestadt an de Ruhr mit över 75000 Inwahners in de Hoochsauerlandkreis in't södelke Noordrhien-Westfalen. Arnsberg is de Sitz vun de Bezirk Arnsberg, to de ok de Stede Baukem, Düörpm un Hagen hören. De Bezirk cheiht vun Herne bet ter Grenz to de Hessisch Lahn-Dill-Kreis. Arnsberg is vandage kene Kreisstadt; de Kreisstadt is Meskede.

Dieter-Julius Cronenberg, de inst för de FDP in de Bunnsdag weer, is ut Arnsberg. Andrea Fischer, de ehemaalsche Bunnsministerin vun de Grönen is ut Arnsberg. Arnsberg weer de Stadt vun't Hartogdoom Westfalen, wat lang en kurKölnisch Rebeet weer. Siet 1237 is Arnsberg Stadt.

An de Ole Markt in't Stadtzentrum sün dat Ole Roothuus vun 1710, de Stadtkapell St. Georg un de Klockendortorm. In de Landsberger Hoff vun 1711 is vandage dat Sauerlandmuseum. An de Niegmarkt wieder södelk sün enige klassizistisch Buwarken, ten Bispeel de evangeelsche Kark vun 1825, de deelwies vun Karl Friedrich Schinkel plont worr. De Propsteikark St. Laurentiuskark is dat öllste Buwark vun de Stadt. Se weer inst en Deel vun't ewhemaalsche Prämonstratenserklooster Wedinghausen vun 1173. Dat Kloster weer Johrhunnerte lang ene vun de kulturell belangriekste Institutschoonen in dat ganze Sauerland. Dat ehemaalsche Klooster is blots siet dat 19. Johrhunnert Deel vun Arnsberg. Dat Hirschberger Dor bi de Propsteikark weer inst vör dat Jagdschloß vun de Kölner Arzbischöpe.

In Arnsberg gifft dat Elektro-, Holt-, Papier- un Metallindustrie. Arnsberg is ene Stadt, wo ok de Bunnswehr aktiv is. De Stadt Balve is op de anner Siet vun de Arnsberger Stadtwold. Arnsberg is en Luftkuroort op över 200 Meters Höög. Arnsberg hett ene ingelsche Partnergemeente, Bexley.

[Ännern] Weblenken

• Websteed vun de Stadt (hoochdüütsch)