Diskuschoon:Blau
From Wikipedia
Aff doormit inne Tünn'!
Moin, Du hest dat ja anonym rinschrieven un ik weet so gor nich, ob du dat lesen wullst, oder ob du hier blots rumpöbeln wullt.
Dat gifft de Siet [[1]], dor kannst Du wat rinschrieven, wenn du denkst, dat en Artikel in de Tünn kamen schall.
Noch 'n Tipp, een kann sik ok anmellen, dann weet de Lüüd ok dien Naam un köönt di persönlich antern.
Hartlich Gröten,
HeikoEvermann 09:50, 20. Jul 2005 (UTC)
Mit Pöbeln hett dat heel nix to kriegen- ick heff man jüst mien Meen' doröver seggt. Ick heff dat schreeven, wieldes ick glöövt heff, wat dat hier demokraat'sch togeiht. Mag ween, wat ick mi noch ne recht mit Jau'n 'Hokelwarks', mit Jau'n Regularia uutkennen dau- or is dat an dennen Innen de wichtigste Kroom hier??? Mi dücht, Jii hefft en heel Bült anner Perbleemen..... Anmelln dou ick mi, wenn ick wiis wonnen bün, wat mien Hölp willkoomen is un estemeert ward. Grötens trüch AA
BTW: 'Inne Tünn smieten', 'opp'n Grant' sünd normool Wöör' in Nedderdüütsch un' amend keen Schimpers. Na- schallst Du ook woll noch achter koomen. DS
Moin DS. ok, villicht weer "rumpobeln" 'n beten to hart. Dann deit mi dat Leed. Man ik harr sehn, dat Du veel kritiseert hest, un dat kann een tosamenfaten to "dat is allens falsch, wat ji hier maakt", un dat is nich nett. Ik wull ok noch mal op henwiesen, dat disse Artikel 'n Överschrift "Qualitätsproblem" hett. Dat heet, wi weet al, dat disse Artikel nich good is. Un wenn dann wen kummt un blots seggt, "in de Tünn" und op en annere Siet "Na- Nedderdüütsch höört sick heel verscheeden an van dissen Schiet!" oder "hefft Ji dat jümmer noch ne begrepen", dann klingt dat för mi nich nett. Wi weet al, dat dat en grote Tall vun Artikels gifft, de nich so good sünd as de ween schöölt, aber vun Rummeckern warrt dat ja nich beter. Un dann fraag ik mi warklich, ob du uns hölpen wullt, oder ob du toerst mal rummeckern wullt. Wi freit uns bannig, wenn annere Lüüd mithölpt, ok över di, ik wünsch mi blots, dat du 'n beten nett to uns büst. Wi hebbt al vele Artikels verbetert un dor steckt 'n Barg Arbeit binnen. Un denn blots to hören, hier is noch nich goot, un dat hier is ok noch slecht, dann hölpt mi dat nich wieder. Kannst Du dat 'n beten verstahn?
Hartlich Gröten,
HeikoEvermann 12:22, 20. Jul 2005 (UTC)
PS: mit Fluss vs. Stroom hest Du recht, un dat warrt Tiet, dat wi dat ännert.
PPS: Noch wat: för't Anmellen bruukst Du di bloots en Ökelnaam uttosöken, mehr warrt dor nich fraagt, keen Naam, keen Adrees, ok de Nettbreefadress is freewillig. Un dat maakt dat warklich lichter. Ik heff t.B. wat den Fluss un den Stroom angeiht noch 'n paar Fragen un dat weer beter, dat op dien Brukersiet to diskuteren as hier ünner "Blau". Weer dat 'n Idee för Di?
