Embraer

From Wikipedia

Embraer ERJ-145 vun British Airways

Embraer (Empresa Brasileira de Aeronáutica S.A.) is en brasiliaanschen Flegerboer.

Embraer is na Boeing un Airbus de drüddgröttste Flegerboer op de Welt un boot zivile as ok militärische Flegers. Dat Ünnernehmen hett 16.409 Mitarbeiders (Stand 31. März 2005). Opdreeg mit en Volumen vun 9,9 Milliarden US-Dollar sünd för de Tokunft afslaten. De Ümsatz bedriggt 3,68 Milliarden US-Dollar.

Embraer is 1969 vun de brasiliaansche Regeren grünnt worrn un weer bet to dat Privatiseren 1994 to 51 Perzent in Staatsbesitt. Sietdem hett de Staat blots noch en „Gollen Andeel“, de em Vetorecht gifft, wenn dat to’n Bispeel üm dat Verköpen vun Militärtüüch geiht. De annern Andelen höört to je twintig Perzent de brasiliaanschen Gruppen Previ, Sistel un Banco Bozzano Simonsen. Nochmal twintig Perzent höört en europääsche Grupp ut EADS, Dassault Aviation, Thales Group (je 5,67 %) un SNECMA (2,99 %). De Rest warrt free hannelt.

[Ännern] Standöörd

De Hauptsitt un de gröttste Standoort, an den Flegers boot warrt, is in São José dos Campos bi São Paulo. Embraer hett aver ok Afleggers in Australien, China, Frankriek, Singapur un de USA. En annern Produkschoonsstandoort is Gavião Peixoto.

[Ännern] Flegers

Johr	Flegers utlevert
2000	160
2001	161
2002	131
2003	101
2004	148
2005	141

[Ännern] Zivil

Embraer EMB 110 (Turboprop, 19 Sittplätz)
Embraer EMB 120 (Turboprop, 30 Sittplätz)
Embraer ERJ 135 (Düsenfleger, 37 Sittplätz)
Embraer ERJ 140 (Düsenfleger, 44 Sittplätz, vörnehmlich boot för American Eagle Airlines)
Embraer ERJ 145 (Düsenfleger mit 50 Sittplätz, ünner annern bruukt vun Cirrus Airlines, bmi regional, Luxair, British Airways, LOT, Alitalia Express, Air France un Swiss)
Embraer 170 (bet 78 Sittplätz)
Embraer 175 (bet 86 Sittplätz)
Embraer 190 (bet 106 Sittplätz)
Embraer 195 (bet 118 Sittplätz)
Embraer Legacy (Düsenfleger)