Fluid
From Wikipedia
As Fluiden warrt in de Physik faken de Gasen un de Fletigkeiten tohopenfaat, wiel veele physikalsche Gesetten op beide Phasen todrapen doot. Jehmer Egenschoppen ünnerscheed sik dorbi faken blots in de Gröttorden (quantitativ), nich aver in’n grundsätzlichen Tosamenhang (qualitativ).
Fluide warrt op Grund jehmer Egenschoppen ünnerdeelt in newtonsche Fluiden un in nich-newtonsche Fluiden. De Ünenrscheed twüschen de beiden liggt bi dat Fleetverhollen, wat dör den funktischonellen Tosamenhang vun Schuv-/Scheerspannen un de Tarren- oder Scheersnelligkeit kenntekend is.
De newtonschen Fluiden un jehmer Bewegen un Egenschoppen warrt in de Physik tomeist mit de Stroommechanik ünnersocht un beschreven. De Nich-newtonschen Fluiden sünd Saak vun de Rheologie.
