Freesch
From Wikipedia
Dat Freesch is en westgermaansche Taal. Dat Freesch word in de Noord-Nedderlannen (Provinz Fryslân un en paar Logen in Groningen) un in wat lüttjeder Streken in Düütschland, in de Bunnslanden Neddersassen un Sleswig-Holsteen snackt.
Dat gift de Menen, dat dat Freesch neet blot een Taal is, man en hele Taalgrupp, umdat de dree Twillen van de freeske Spraak düdelk verscheden bünd: de Snackers könen sük bold neet mitnnaner unnerhollen. Dat gift dat Westerlauwersk-Freesch, dat Oostfreesch (of Oostlauwersk-Freesch) un dat Noordfreesch. Dat was wall ok logisch west, dat Westerlauwersk-Freesch mit Westfreesch to benöhmen, man dat doon se in de Nedderlande neet, umdat Westfreesch al na en Streektaal in Noord-Holland wiest.
Dat Freesch kann so indeeld worden:
- Noordfreesch
- Eilandnoordfreesch
- Sylter Freesch (Sölring)
- Föhr-Amrumsch Freesch (Feering-Öömrang)
- Helgolandsch Freesch (Halunder)
- Fastlandnoordfreesch (Frasch)
- Goesharder (Hoorning)
- Wiedingharder
- Halligfreesch (binah utstürven)
- Mooringer
- Karrharder (binah utstürven)
- Eilandnoordfreesch
- Oostfreesch (so van dat Jahr 1500 an langsam utstürven)
- Werserfreesch (utstürven um dat Jahr 1950 mit de Dood van de letzte Snackers van dat Wangerooger Freesch)
- Eemsfreesch (mit Utnahm van dat Saterfreesch (Seeltersk) utstürven)
- Westlauwersk Freesch
- Fastlandsfreesch
- Klaifreesch
- Woldfreesch
- Südhoekfreesch
- Hiddelopisch Freesch
- Oost- un Westterschellingsch
- Schiermunkoogsch
- Fastlandsfreesch
In de Freesche Städer in Fryslân word en Mischtaal mit Nedderlanske Woorden un freesche Grammatik proot, dat Stadtsfreesch. Dat Stellingwarfs un dat Grunnengs (beid Nedersasske Dialekten) hebben en Freesch Infloot, nett as dat oostfreesch Platt.
