Gediegen
From Wikipedia
In de Mineralogie meent gediegen, dat en cheemsch Element, Metall, Nichmetall oder ok en Legieren in de Natur in reine Foorm vörkummt. De bekanntsten Bispelen sünd Eddelmetallen so as Kopper, Sülver, Gold un Platin, aver ok Nichmetallen so as Swevel un Kohlenstoff (in de Foorm vun Graphit oder Diamant). Tosamen heet dat dann t.B. gediegen Gold. Elementen in gediegen Foorm gifft dat üm un bi 20 un vun jem sünd 10 geoloogsch vun Belang. Elementen, de gediegen vörkaamt, sünd licht aftoboen un dat hebbt de Lüüd al in de Tiet vun den antiken Bargbo kunnt.
Bispelen sünd:
- Antimon
- Blee
- Iesen (blots in Meteoriten)
- Gold
- Kohlenstoff (as Diamant un Graphit)
- Kopper
- Osmium
- Platin
- Swevel
- Selen
- Sülver
- Tellur
- Wismut (Bismut)
Bi den Suerstoff, den Stickstoff un den Eddelgasen warrt de Utdruck gediegen' nich bruukt, ok dann, wenn se in de Natur as reine Elementen vörkaamt.
[Ännern] Weblinks
- Mineralienatlas - gediegen (Hoochdüütsch)
