Johann Carl Friedrich Gildemeister
From Wikipedia
Johann Carl Friedrich Gildemeister (* 13. Dezember 1779 in Duisborg; † 24. September 1849 in Bremen) weer en Maat vun de bekannte Familie Gildemeister in Bremen un Senator in siene Vaderstadt. He weer de Vader vun den Bremer Börgermeester Otto Gildemeister.
Sien Vader Johann Friedrich Gildemeister weer to de Tiet Professer för Jura in Duisborg, as he in düsse Stadt baren is. Al korte Tiet later is de Familie nah Bremen torüchtagen.
He hett Jura studeert un sienen Dokter maakt. Darnah is he Afkaat in Bremen wurrn. In de Jahren 1813 un 1814 is he to’n Verhanneln mit Napoleon mit den dormaligen Senator Johann Smidt in’t Grote Hööftquartier nah Paris gahn. Korte Tiet hett he ok bi de Bremer Zeitung mitmaakt. 1816 is he to’n Senator wählt wurrn. He weer een vun de besten Mackers vun Börgermeester Johann Smidt. 1827 is he vunwegen en Hannelsverdrag nah Brasilien reist, 1839 weer he in Grekenland unnerwegens.
Sietenkategorien: Mann | Bremen | Historie | Politiker
