Julian Apostata
From Wikipedia
Flavius Claudius Iulianus (* 331 in Konstantinopel; † 26. Juni 363 nich wiet weg vun Maranga an’n Tigris), weer vun 361 bit 363 Kaiser vun Rom.
Inholtsverteken |
[Ännern] Ökelnaam
Bekannt is Iulianus (ok Iulianus II.) ünner den Naamen Julian Apostata. Düsse Ökelnaam kümmt ut de Greeksche Spraak un bedutt Julian, de affullen is. Dor is mit meent, dat he sik vun den christlichen Globen wegdreiht hett. Vun de Kark ut bekeken is he affullen vun den Globen.
[Ännern] Wat Julian anpacken wull
[Ännern] Religion
Julian hett bloß man korte Tiet an de Regeerung seten. In düsse Tiet hett he versöcht, dat Christendom, dat vun de Tiet vun Konstantin den Groten af an in dat Riek een besünnere Rull spelen dö, wedder bisiet to schuven. He sett sik in för de ole röömsche un greeksche Religion un besunners ok för de Mysterienkulten ut den Oosten. Alltohopen versöch he, dat Heidendom in dat Riek noch mal wedder stark to maken. Man vunwegen dat he so fröh sturben is, is dor nix vun wurrn un een Renaissance vun de annern Globens hett dat nich geben. Man de Kaisers, de nah em keemen, sünd denn doch man tämlich tolerant gegen dat Heidendom bleben bit up de Tiet vun Theodosius I. to.
[Ännern] Krieg
Al 361 hett Julian sik upmaakt to eenen groten Kriegstog gegen dat Riek vun de Sassaniden in Persien. Dat weer de gröttste Militäraktion in de röömsche Geschicht. Julian weer een groden Feldherr un is bit nah de Hööftstadt Ktesiphon henkamen. Man amenn is he bi düt Ünnernehmen fullen.
