Juni

From Wikipedia

Januar   Februar   März   April   Mai   Juni

Juli   August   September   Oktober   November   Dezember

De Juni is in’n Gregoriaanschen Klenner de sösste Maand in dat Johr. De Juni hett 30 Daag un tellt to de Sommermaanden.

In’n Juni liggt de Sommersünnwend, de an den 21. Juni is, dör de Himmelsmechanik ober ok an 20. oder 22. Juni wesen kann. Dat is de längste Dag in dat Johr, wat ok to lieke Tiet de Anfang von’n Sommer is. De Naam stammt von de röömsch Göddin Juno af, de Fru von Jupiter un Göddin von de Ehe.

En olen düütschen Naam för den Maand is Brachet oder Brachmaand, as dat in dat Middelöller in de Dreefüllnweertschap de Tiet weer, wo de Brach anfüng. Bi de Gärtners snackt man ok von’n Rosenmaand, as de Rosenbleih dor ehrn Hööchpunkt hett. In den röömschen Klenner weer dat de veerte Maand. Dor harr he blots 29 Daag.

De Maanden Juni und Juli höört sik teemlich liek an, dorüm warrt to’n Juni mitünner ok Juno seggt – as de Göddin, wona de Mannod jo ok nöömt is. Den Juli nöömt man denn Julai, dormit man dat nich mehr verwesseln kann.

Dat gifft in een Johr keen annern Maand, de mit den glieken Wekendag anfangt as de Juni. Man de Februar von’t nächst Johr, de fangt mit den lieken Dag an.