Kopendörp
From Wikipedia
Kopendörp (düütsch: Kopendorf) is een Dörp op de Insel Fehmarn un een Stadtdeel vun de Stadt Fehmarn in den Landkreis Oostholsteen in Sleswig-Holsteen.
- Grött: ca. 529 ha.
- Inwahners: ca. 100 (2002)
- Auto-Kennteken: OH (Oost-Holsteen)
- Telefonvörwahl: 04372
- Laag: Ganz in Westen vun Fehmarn in de Oostsee, Naberdörper sünd Petersdörp, Beuendörp, Püttsee un Sulsdörp.
[Ännern] Geschicht
Dat Waldemar-Erdbook vun 1230 betekend Kopendörp as "Cubbaenthorp" un schrifft, dat dat Dörp 11 mansi Land un 26 Landbesitter hett.
Dörpspeegel:
1709: Kopendörp harr 289 ha. Land, opdeelt op 26 Landbesitter. In´t Dörp leevt uk 1 Schmitt, 2 Timmerer un 1 Glaser.
1730: 33 Wahnhüüs, 6 Schüün, 7 Veehhüüs.
1833: 34 Hüüs, 74% mit Strohdack, 52% Gevel ut Breed
1854: 20 Hööf. 1872: Bi de Stormfloot sünd 11 Hüüs tweigahn un 8 Kreaturen afsupen.
1908: 14 Hööf, keen Handwerker, 47 Inwahners.
| 'Inwahnertahlen' | Kopendörp | All Dörper | Ganz Fehmarn |
| 1731 | 152 | 5340 | 6313 |
| 1803 | 184 | 6161 | 7626 |
| 1845 | 157 | 6780 | 8590 |
| 1885 | 117 | 7140 | 10150 |
| 1924 | 94 | 7090 | 10360 |
[Ännern] Kopendörper See
In Westen von Kopendörp weer fröher de 400 ha. grote Kopendörper See. Veel Privatlüüd hebbt versöcht, düsse Flach intodieken un trocken to leggn. Awer dörch een Stromfloot is de Diek ümmer wedder tweimakt woren. Na de Stormfloot vun 1872 hebbt se en grote Diek boot un nu is dat seker. Hüüt is dat dat Waterfagelreservat Wallnau.
[Ännern] De Volksmund öwer Kopendörp:
„Too Kopendörp... dohr sünd dee jungen Brüde...
'Dor wart dee Dörpsoll opdeelt mit öwer´n Duum
Man schall nich to veel eeten, ook keen Pannkoken
dat man ümmer noch een laten kann, wenn´t wesen mütt."
