Lieken

From Wikipedia

Lieken (ok Lüke oder Lücke) is een plattdüütschen Vörnaam för Deerns.

Inholtsverteken

1 Herkamen
2 Bibel
3 De plattdüütsche Naam
4 Utspraak
5 Fundöörd
6 Böker

[Ännern] Herkamen

De Naam kümmt vun den olen bibelschen Naam Elisabeth vun her. De kümmt ut de Hebreesche Spraak. Dor heet he אֱלִישֶֽׁבַע (Elischeba). Dor steckt de beiden Wöör in : Eli (Mien Gott) un Scheba (Eed). Tohopen bedutt dat so veel, as: Een Eed is mien Gott, free öbersett: Up mienen Gott kann ik mi verlaten.

[Ännern] Bibel

In dat Ole Testament gifft dat een Elischeba. Dat is de Froo vun Mose sienen Broder Aaron un de Mööme vun all Preesters in Israel (2.Mose 6,23). In dat Nee Testament gifft dat een Elisabeth , de vun Elischeba afstammen deit. Dat is de Froo vun Zacharias un Johannes den Döper siene Mudder (Lukas 1).

[Ännern] De plattdüütsche Naam

As dat bi Plattsnackers begäng weer, is de Naam afkört wurrn: vun Elisabeth is Lisa oder Lise wurrn. Denn keem dor noch een Anbacksel to'n lüttjer maken an (Diminutiv). Düt Anbacksel weer dat Suffix -ke oder -ken, wat faken bruukt wurr. So is dor denn Lieseken vun wurrn. Mit de Tiet is düsse Naam denn afslepen wurrn to Lieken oder Lüke oder Lücken. Dat bedütt denn so veel, as : Lüttje Elisabeth.

[Ännern] Utspraak

Dat is antonehmen, dat de Utspraak vun dat ü in ole Tieden ehrder as ie weer. Anners is nich to begriepen, warüm de Formen Lüke un Lieken nebenanner staht. In ole Urkunnen finnt sik faken allens dör'nanner: ie; ü un ok y. Utspraken weern mütt dat woll as ie. So heet dat denn Lieke, ofschoonst dor Lüke schreven is. Een Henwies gifft eerst mal de Herkumst vun den Naam: de kümmt ja vun ELISABETH un nich vun ELÜSABETH. Un denn gifft ok bi de Stadt Syke bi Bremen de Utspraak Sieke un nich Süke.