Mikronesien (Inselbulten)
From Wikipedia
Mikronesien (greek. lüttje Inseln) is en Inselbulten in den Westen vun den Pazifik. Dat Woort Mikronesien warrt bruukt för den ganzen Bulten vun mehr as 2.000 tropisch Eilannen un Atollen, de öber en Flach vun mehr as 3. Million Mielen in Quadrat öber den Pazifik henstreiht sünd. De Inseln liggt in'n Noorden vun'n Äquater. Vun dat een Enn vun Mikronesien bit an dat annere sünd dat mehr as 4.000 Kilometers. Up düsse Eilannen gifft dat verscheden Staaten. Nah den 2. Weltkrieg harrn de USA eerst mol de Hannen up düsse Inseln leggt.
Acht Inselgruppen höört to Mikronesien hento. Dat sünd Guam, Palau, de nöördlichen Marianen, de Marshallinseln un de veer Inselgruppen Yap, Chuuk, Pohnpei un Kosrae. Düsse lesten veer Gruppen hefft sik tohopenslaten to de Konfödereerten Staaten vun Mikronesien. Jedeen Inselgrupp hett ehr egen Kultur, Spraak un Geschicht.Dor gifft dat grode Ünnerscheed bi.
