Overledingerland
From Wikipedia
Dat Overledingerland maakt de Südoosten van d' Landkreis Leer in Oostfreesland ut. De Naam hett de Bedüden "Land over de Leda", de Landstreek südelk van de Stroom Leda. In'd Westen grenzt de Eems dat Overledingerland off.
De Lü proten oostfreesch Platt. In'd Westen gift dat en paar reformeerte Karkengemeenten, de anner Gemeenten sünd meest luthersch.
Dat Overledingerland is en van de veer historisk Landskuppen in 'd Landkreis Leer, de anner bünd dat Rheiderland, dat Moormerland un dat Lengenerland. In'd Middeloller was dat en sülvststannig freesch Landgemeent, bit Hoovtlingen de Heerskupp overnehmen deen. Politisk updeelt is dat vandag in de Gemeenten Oosterfehn, Rhauderfehn, Westoverledingen un de Stadtdeel Nettelburg van d' Stadt Leer.
