Scharwenzel
From Wikipedia
Scharwenzel is een fehmarnsch Kortenspeel för veer, söss oder acht Lüüd, de twee Parteien bilden doot ("Ji" un "Wi"). Bi düsse Speel ward de Stiche tellt. An Enn hett de Partei wunnen, de de meiste Foden sammelt hett.
- Een kriggt een Foden, wenn een 24 Punkte sammelt het (allerdings kann sick de akraate Regel vun Dörp tu Dörp ünnerscheeden).
- Een kriggt een Foden mit een Haken, wenn een in een Speel all Stiche makt ("Tout". Dann gifft dat för all Speeler een Schnaps.).
- Een kriggt een Foden mit`n Dack drop ("Petersdörper"), wenn de anner Partei keen Punkt un du sülms 24 Punkte kreegen hest.
Natürle dörfst du dine Mitstrieder nich verraden, weke Korten du hest. Ut düssen Grund sitt linkerhand un recherhand ümmer twee Speeler vun de Gegenpartei. Awer du dörfs Schnacks maken wie "Een Hart hett jeder!" un op düsse Wies een Teken för dien Mitspeeler geven, dat he Hart utspeelen schull.
[Ännern] Wert vun de Korten
Trümpf: Krüüzdam, Trumpfsöben, Pikdam, Krüüzbube, Pikbube, Hartbube, Karobube, Trumpf-Ass, -König, (-Dam,) -Tein, -Negen, -Ach
[Ännern] Utdrücke
- "Basta" - de Pikdam, de drittgröttste Speelkort
- "beter" - een Speel ward in Krüüz anseggt
- "Buck" - een Speel geit ünentscheeden ut
- in "echt" - een Speel ward in Krüüz speelt
- "Macker" - de Mitspeeler vun er eegen Partei
- "Nillje" - de Trumpfsöben, de tweettgröttste Speelkort
- "Petersdörper" - Een Runn geit toenn, ahn dat de ünnerlegen Partei ok blot een Punkt halt harr
- "Olsch" - die Krüüzdam, de gröttste Speelkort
- "Spedilje" - ok een Nam för de Krüüzdam
- "Tout" - een Partei halt in een Speel all Stich
