Tarms'
From Wikipedia
Tarms' (hoochdüütsch Tarmstedt) is’n Dörp in Neddersassen und höört to de Landkreis Rodenborg (Wümm). De Oort hett all’nstohoop 3.500 Inwahners (2004). Tarms' heet fröher „Tevenstede“. Dat wörr dat eerste Maal in’t Johr 1257 erwähnt un warrt 2007 750 Johr oolt.
Tarms liggt nah an dat Düvelmoor un is vun de Landschop her wunnerbor. De Landweertschop is to mehrst de Mess vun de Rinner un Keih. Intressant is, wie sik dat mit’n Platt verholen deit. Wenn dat in Tarms’ „Keis“ för Keih heet, is das een Dörp wieter „Kois“ und all woller’n Dörp wieter „Kies“ un dorbi sünd jümmer de swartbunten Dinger, de op’e Weiden staht, meent.
Tarmstedt is nu Seet vun de Gemeen un vun de Verwaltung. In dat Wappen vun Tarms’ sühst’n witt Ass un twee witt Rings dor unner. All’ns tosamm op gröön Grund. De Lüüd secht dat is nich heraldisch korrekt, weil dat Ass nich na rechts kieken deit.
Bit in dat Johr 1930 weer Tarms’ Knotenpunkt för de Iesenbahn „Jan Rainers“, de bit na Bremen rinföhren dei. Dissen Iesenbahn harr en Spoorwieten vun 1000 mm hatt. Aver dat Glies is dormals mit de Stillegung afreten worrn. Den Jan-Rainers-Damm gifft dat aver jümmer noch. Den kann man wunnerbor mit’n Drohtesel rünnerfohren.
Jedet Johr kummt över 100.000 Lüüd to de Tarms’er Utstellung wo dat neeste vun de Landmaschinen wiest warrt.
[Ännern] Weblenken
- Biller vun’n Bahnhoff (hoochdüütsch)
- Tarms'er Utstellung (hoochdüütsch)
