Literature del angli restauratione
From Wikipedia
Restauratione literature es li literature skriptet anglim durant li historial periode ordinarim nomisat li Angli Restauratione (1660 - 1689), kel es li last yares del direkti regniro del Stuart regal familie in Anglia, Skotia, Wals e Irlande. Generalim on usa li termine por signifika stiles de literature kel primim skripte pri li restaurat korte de Charles II.
Lu es literature kel inkluse extremus, exemplim amb Paradise Lost (Paradise Perdat) e Sodom dal Konte de Rochester, li vivasi sexual komedie de The Country Wife (Li Rural Marita) e li moral sajeso de Pilgrim's Progress (Progrese del Pilgrime). Durant ti periode Treatises on Government, da John Locke blid skripte, li Royal Society (Regal Sosiete) blid fonda, li experimentes e sakral meditationes de Robert Boyle, li histeri atakos konter teatres da Jeremy Collier, e li komenso de literatural kritiko da John Dryden e John Dennis. Jurnalisme devenid komersial, li esaye developad se kom periodi arte-forme, textal kritiko komensad, qualim anke li aktional merkate.
