Ajuda:Cossí cargar un fichièr
Un article de Wikipèdia, l'enciclopèdia liura.
La procedura çai jos descriu lo biais de cargar un fichièr que serà local a l'enciclopèdia occitana. S'aqueste fichièr pòt èstre util a d'autras lengas o a d'autres projèctes Wikimedia, es preferible de lo cargar sus Wikimedia Commons.
Ensajatz de preferéncia de cargar los fichièrs sus Wikimedia Commons se res o empacha pas. En efècte, es pas rar qu'aprèp un certan temps, d'autres projèctes Wikimedia ajan besonh d’aqueste meteis fichièr ; s'aqueste se tròba ja dins la Wikimedia Commons, lo poiretz utilizar coma un imatge quin que siá sus Wikipèdia. Podètz consultar a aqueste efièch aquesta pagina amb un exemple pas a pas.
[Modificar] Abans de cargar un fichièr
Abans de copiar vòstre fichièr sul serveire, prenètz coneissença de las règlas d'utilizacion dels imatges de Wikipèdia (que s'aplican tanben als autres mediàs) e asseguratz-vos que las respectatz.
- Utilizar un nom clar e detalhat per l'imatge per qu'entre pas en conflicte amb d'autres imatges ;
- Emplenar la pagina de descripcion de l'imatge, en particular per i inscriure l’estatut del copyright e la font de l'imatge ;
- Èstre vigilant suls copyrights sens tombar dins la paranòia. Per l'utilizacion de la doctrina, de modèls pels imatges jos fair use pòdon èsser trobats sus fair use ;
- Metre pas los crèdits (font, mercejament, informacions, etc.) de l'imatge dins l'article, mas dins la pagina de descripcion ;
- Se cargatz un imatge provenent d'una autra Wikipèdia, mercé d'indicar lo ligam complèt vèrs la pagina de descripcion de l'imatge duplicat.
Per veire los imatges ja plaçats sul serveire o per efectuar una recèrca demest aquelas, anatz a la lista dels imatges.
[Modificar] Aprèp solament
Rendètz-vos sus la pagina de telecargament, qu’un ligam existís dins la barra d'espleches (a esquèrra per defaut).
Utilizatz lo formulari per copiar sul serveire d’imatges novèls destinats a illustrar vòstres articles.
- Sus la màger part dels navigators, veiretz un boton « Percórrer... » que dobrís la fenèstra de dialòg estandard de vòstre sistèma d'espleitacion per la dobertura dels fichièrs.
- Seleccionatz un fichièr ; son nom apareisserà dins lo camp situat al costat del boton.
- Devètz tanben confirmar, en fasent una òsca dins la casa prevista per aquò, que la còpia d’aqueste fichièr viòla pas cap de copyright.
- Clicatz sul boton "Mandar" per acabar. Se vòstra connexion es lenta, l'operacion pòt prendre un bèl temps.
