MSN Messenger

Un article de Wikipèdia, l'enciclopèdia liura.

MSN Messenger
MSN Messenger Version 7.5
Desvolopaire	Microsoft
Darrièra version	7.5.0322 (8.0 Beta) (lo 17 décembre 2005 (8.0 beta disponible sur invitation uniquement)
Environament	Mac OS X, Windows
Tipe	Messatjariá instantanèa
Licéncia	Freeware
Sit web	messenger.msn.com

MSN Messenger es lo sistèma de messatjariá instantanèa e de visioconferéncia proprietari de Microsoft. Es sovent apelat simplament « MSN », çò qu'es incorrècte, perque fòrma pas qu'una partida de la ret MSN. MSN Messenger designa lo nom del logicial client. .NET Messenger designa lo nom de la ret.

Lo 6 d' abril de 2005, Microsoft a mes en linha la setena version del logicial. MSN Messenger es utilizat per mai de 155 milions d'utilizaires cada mes e son 2,5 miliards de messatges que son escambiats cada jorn sul malhum MSN Messenger.

Per utilizar MSN Messenger, cal crear un compte sus Microsoft Passport ambe quina que sia adreça e-mail valida. L'adreça de corrièr électronic es doncas l'identificant dels usatgièrs sus aquel sistèma de messatjariá. Nota : l'obertura d'un compte de corrièr sus Hotmail dobra tanben automaticament un compte Passport.

Tre sa version 8.0, lo logicial vendra Windows Live Messenger per melhor respondre a la novèla politica marketing de Microsoft tocant lo desvolopament de sa branca de servicis Internet.

[Modificar] Foncionalitats de MSN Messenger 7

Gestion d' estatut demest 7 prepausats per defaut (En linha, Ocupat(ada) Torna dins una minuta, Absènt(a), Partit(da) manjar, Al telefòn, Fòra linha). Se pòt causir lo seu estatut avans coma apuèi conecion, e cambiar a cada moment.
Atribucion d'un pseudonim.Es possible tanben d'apondre un messatge personal, de bon véser dins la lista dels vostres contactes a dreta de son pseudonim. Aquela foncion permet tanben de mostrar lo fichièr musical jogat dins Windows Media Player. (fonciona tamben ambe iTunes )
Organizacion dels contactes : mostra dels contactes per adreça MSN o per pseudonim, mostra dels problemas, tria per grop o per conectat/pas conectat e classament dins de gropes personals.
Dessenh dins una convèrsa
Tanben : recerca comuna ambe son contacte, aver una carta de visita, crear una convèrsa a mai d'un, salvagardar sas discussions, salvagardar sa lista de contactes, etc.

D'interaccions multimèdia son tanben possiblas :

Convèrsa audio/vidèo : convèrsa audio gràcia a un microfòn e convèrsa vidèo gràcia a una webcam.
Creacion d'un diaporama per partejar sas fotos
Mandadis e recepcion de fichièrs
Partiment de calendièr acompanhat d'eveniments ambe un contacte.
Mini jòcs : Diamants, Deminaire, Donas, Solitari e Pata.

[Modificar] MSN Messenger per Mac OS

Microsoft a tanben realizat una version per Mac OS de son client de messatjariá. La darrièra version es MSN Messenger 5 e fonciona pas que sus Mac OS X.

Integra pas ni lo suport del son, ni de la video, e permet doncas pas la visioconferencia ambe los utilizaires de la version Windows. Microsoft prevei pasmens d'i apondre aquelas foncions dins la version que ven.

[Modificar] Logicials compatibles

Uns logicials son estat creats per fin de permetre als seus usatgièrs de discutir ambe los autres utilizaires del malhum MSN Messenger sens utilizar lo logicial client oficial. Demest aquels, tornam trapar :

Adium Client multi-protocòl perMac OS X, utiliza una partida dels API de Gaim.
aMSN Logicial liure disponible jos Linux, Mac OS X, BSD e Windows.
Fire Client multi-protocol per Mac OS X.
Gaim Logicial liure multi-protocòl per Linux, Mac OS X, Unix e Windows.
iChat Logicial de messatjaria instantanea e de visioconferéncia integrat a Mac OS X. Es compatible ambe MSN en utilizant la palanqueta Jabber.
Kopete Logicial liure multi-protocòl per Linux, Mac OS X, Unix

Licq Logicial liure multi-protocol.
Mercury Messenger Client MSN libre e multi-plataforma escrit en Java.
Miranda_IM Logicial liure multi-protocòl.
Trillian Client multi-protocòl per Windows.

Es tanben possible de se conectar al malhum MSN Messenger via lo sit de MSN Web Messenger. Aquel site utiliza pas d'applet Java e necessita pas que lo client MSN Messenger sia installat. De mai, es compatible ambe Internet Explorer e Mozilla Firefox.

Tanben present, Windows Messenger, una version mens evoluada de MSN Messenger presenta sus los sitèmas d'expleitacion Windows XP, es compatible ambe MSN Messenger e a rendut aquel força populari darrièrament.

Es tanben possible de se conectar al malhum MSN Messenger al utilizaires del standard dobert de messatjaria instantanèa Jabber per l'intermediari d'una palanqueta (carrèg).

Exista d' extensions per MSN Messenger qu'o apondon de nombrosas foncionalitats, una de las mai coneguda essent Messenger Plus!.

[Modificar] Protocòl

MSN Messenger utiliza lo protocòl Mobile Status Notification Protocol (MSNP) per-dessus TCP (e optionalament per-dessus HTTP per aver afar a de proxys) per se conectar al servici .NET Messenger - un servici porgit sul port 1863 de messenger.hotmail.com. Sa version actuala es la 12 (MSNP12),es utilizada per MSN Messenger version 7.5 e d'autres clients tèrç. Lo protocòl es pas completament secrèt; Microsoft a revelat la version 2 (MSNP2) als desvolopaires en 1999, mas a pas jamai revelat las versions 8, 9, 10, 11 o 12. Los serveires .NET Messenger Service acceptan pas a l' ora d'ara que los protocòls de las versions 8 e posterioras, aquò fa que sintaxi de las novèlas comandas de las versions 8, 9, 10, 11 e 12 es solament coneguda en utilizant unis niflaires coma Ethereal. MSNP13 sera lo protocòl utilizat dins Windows Live Messenger 8.