Mysticeti
Un article de Wikipèdia, l'enciclopèdia liura.
| Misticèt | |||||||||
|---|---|---|---|---|---|---|---|---|---|
 |
|||||||||
| Eubalaena glacialis | |||||||||
| Classificacion classica | |||||||||
| Renhe | Animalia | ||||||||
| Embrancament | Chordata | ||||||||
| Classa | Mammalia | ||||||||
| Òrdre | Cetacea | ||||||||
| Sosòrdre : | Mysticeti | ||||||||
| Percorrètz la biologia sus Wikipèdia :
|
|||||||||
Los misticèts (Mysticeti), o cetacèus de fanons (balenas de fanons) son un dels dos sosòrdres dels cetacèus (balenas), amb los odontocèts (o balenas de dents). Aqueste sosòrdre es caracterizat per la possession de fanons, contràriament a las dents dels odontocèts.
Son generalament mai gròsses que los odoncèts e la femèla es mai granda que lo mascle. Son los animals mai grands de la planeta. An dos events (« narras » de respiracion) que produson lo buf de vapor que los caracteriza.
[Modificar] Alimentacion
Se noirissent de krill (pichons crustacèus) e de plancton, los misticèts prenon una granda quantitat d'aiga dins la boca puèi, en plaçant lor lenga al som del paladar, la butan en defòra de la boca a travèrs de lors fanons que lor servisson de filtre en retenent la noiridura.
[Modificar] Comportament
Las balenas de fanons vivon dins totes los oceans. Cèrtas, coma las balenas grisas, fan de migracions, se noirisson dins las aigas frejas pendent la sason cauda, puèi van jols tropics per se reproduire.
[Modificar] Classificacion
Lo sosòrdre conten 4 familhas :
- Balaenidae Gray, 1821
- Balaenopteridae Gray, 1864 - rorquals
- Eschrichtiidae Ellerman and Morrison-Scott, 1951 -- balena grisa
- Neobalaenidae Gray, 1873
