Wikipèdia:Principis fondators
Un article de Wikipèdia, l'enciclopèdia liura.
Wikipèdia es una enciclopèdia liura que son contengut es reütilisable segon las condicions de la Licéncia de documentacion liura GNU. Participar a Wikipèdia es aisit e dobèrt a totes.
- Enciclopèdia : Donam una granda importància a la neutralitat del punt de vista e a la pertinéncia del contengut. Per aquesta rason, los trabalhs inedits an pas lor plaça dins Wikipèdia.
- Flexibilitat per la reütilisacion de son contengut : utilisam la Licéncia de documentacion liura GNU. Aquesta licéncia autorisa cadun a copiar, modificar una copia e distribuir lo contengut de Wikipèdia, en acòrdi amb los tèrmes de la Licéncia de documentacion liura GNU. Las obligacions son de conservar la meteissa licéncia per las copias conformas e las copias modificadas, e mai de creditar Wikipèdia e los autors dels contenguts coma font.
- Dobèrta a totes : cadun pòt participar al melhorament de son contengut. Sufís de dos clics de mirga. L'un sul ligam modificar e lo segond sus salvagardar aprèp aver picat vòstre tèxt. Podètz escriure d’articles sul subjècte que volètz, que siá la quimia, la geografia d'un país, la biografia d'un cantaire, etc. Per lo verificar e lo testar, lo Nauc de sabla es un bon terren d'ensag.
- Aisit : lo principi WikiWiki utilisat sus aqueste sit facilita la creacion e la modificacion d'articles. Apréner las basas d’aqueste langatge es fòrça aisit. Per exemple, sufís d'environar un mot de crochets dobles [[...]] per crear un ligam, e d'apostròfs dobles per lo metre en italica.
Wikipèdia es un projècte collaboratiu qu’a besonh de règlas. Tres règlas fondamentalas son estadas fixadas :
- Neutralitat de punt de vista. La subjectivitat e l'expression d'opinions personalas son de proscriure, coma las informacions messorguièras.
- Respècte del drech d'autor. Es imperatiu de prestar una atencion particulara a inserir pas de tèxtes o d'imatges protegits per un copyright.
- Respècte dels autres e de lor òbra. Los participants venon de divèrses païses e de divèrsas culturas e an de punts de vista fòrça diferents. En tractant los autres e lors avises amb respècte, poirem collaborar amb mai d'eficacitat dins la construccion de l'enciclopèdia.
