Prospèr Estieu
Un article de Wikipèdia, l'enciclopèdia liura.
Prospèr Estieu (nascut a Fendelha lo 7 de julhet de 1860, mòrt a Pàmias l'11 de decembre de 1939) es un personatge fòrça important dins la recuperacion de la grafia occitana modèrna. Foguèt escrivan, jornalista e subretot poèta a mai de sa profession de regent. Es a partir de son escritura e d'Antonin Perbòsc que s'establiguèron las fondamentas de la grafia elaborada e divulgada per Loís Alibèrt mai tard.
[Modificar] Biografia
Prospèr Estieu nasquèt a Fendelha en 1860 dins una familha pagesa d'Aude. Anèt al collègi a Castèlnòu d'Arri puèi al petit seminari de Carcassona abans de dintrar a l'Escòla Normala de la vila. De jove fondèt una revista de poesia modèrna que i collaborava son amic August Forés. Trabalhava coma regent dempuèi 1879. En 1892 creèt l'Escòla Audenca a Carcassona. Fondèt tanben la revista Montségur. Prenguèt sa retirada a Castèlnòu d'Arri en 1923 e ailà creèt los Grilhs del Lauragués. Demest sas autras contribucions a la causa occitana cal citar la creacion del Coletge d'Occitania en 1927.
[Modificar] Òbras
- Lou Terradou, Sounets langodoucians (1895)
- Bordons pagans (1899)
- Bordons Biblics
- Flors d'Occitania (1906)
- La Canson Occitana (1908)
- Lo Romancero Occitan (1912)
- Lo Flahut Occitan (1926)
- Las Oras Cantairas (1931)
