Velai
Un article de Wikipèdia, l'enciclopèdia liura.
Velai es una region dau Massís Centrau. Tèrra de cultura occitana, Velai es estat fòrt longtemps restachat a la província de Lengadòc. Dempuèi la Revolucion francesa, forma la màger part dau departament dau Naut Léger.
[Modificar] Geografia
Velai es situat au sud-èst dau Massís Centrau, entre la valada d'Alèir a l'oèst e los abòrds montanhòus de la riba dreita de Ròse a l'èst. Es una region de mejana montanha que son punt mai naut es lo Mont Mesenc, a 1754 m.
Lo relèu de Velai s'articula a l'entorn dau massís de Maigal que constituís lo centre dau país.
- A l'èst e au nòrd-èst, lo plan granitic de Tença.
- Au sud, lo plan basaltic dau Mesenc.
- A l'oèst e au sud-oèst, lo bacin dau Puèi de Velai e lo plan volcanic de Velai.
- Au nòrd, lo plan granitic de Crapona d'Arzon.
Lo relèu de plans es interromput per de valadas prigondas, notament la de Léger o la dau Linhon velaiós.
