Цæхæра
Сæрибар энциклопеди Википедийы æрмæг.
Цæхæра у адæмы уарзондæр хæринæгтæй иу. Аргъ та йын уымæн кæнынц, æмæ хъæздыг у урсæгтæ, углеводтæ æмæ аскорбины туагадæй. Бирæ дзы ис æнæмæнгхъæугæ минералон цæххытæ: калий, кальций, натрий, фосфор, марганец, æфсæйнаг, йод, кобальт.
Амонынц æй, йæ туджы æлхъывдад бæрзонд кæмæн у, йæ нервыты аххосæй мæстыгæр чи у, йæ рæуджытæ сахъат кæмæн сты, уыдонæн. Дзæбæх дзы кæнынц сæкæрниз, тынг нард рынчынтæ. Базеды низæй чи сæйы, уымæн йæ, щитовидная железа кæй хонынц, уый активон куыст фæсабырдæр кæны. Цæхæра æнæмæнгхъæугæ хæринаг у, йæ гуыбын кæмæн фæхус вæййы, уымæн. Æхсæрдæсæм æнусы йæ нæ рагфыдæлтæ бердзенты бæстæйæ куы æрбаластой, уæдæй абонмæ дзы адæм пайда кæнынц, куыд хæрзад халсарæй. Хæрынц æй доны, духовкæйы фыхæй. Кæнынц дзы борщ æмæ окрошкæ. Цæхджын æй кæнынц хибарæй, фæлæ цывзыйы цъæрттимæ та у уæлдай хæрзаддæр. Нæ разагъды бæркадкъух æфсинтæ йын йæ сыфтæй чъиритæ куы ракæнынц, уыдонæн та дзы æмбал нæй.
Сырх цæхæрамæ ма ис иу диссаджы миниуæг. Дохтыртæ йæ амонынц æвзæр рæсыдтытæй (рак) рынчынтæн дзæбæх кæнынæн æмæ сæ не ’руадзынмæ.
[баив æй] Сæкæры цæхæра
Цæхæрайы сæрмагонд хуызтæй чындæуы сæкæр.
[баив æй] Сæкæры цæхæрайы тыллæг бæстæтæм гæсгæ
|
2003-2004 нымæцтæ |
|||||
| Франц | 29358296 | 13 % | 29419000 | 12 % | |
| АИШ | 27744430 | 12 % | 27002350 | 11 % | |
| Герман | 23756060 | 10 % | 25486732 | 11 % | |
| Уæрæсе | 19383640 | 8 % | 18500000 | 8 % | |
| Турк | 12622900 | 5 % | 13965000 | 6 % | |
| Украинæ | 13392000 | 6 % | 13660000 | 6 % | |
| Польшæ | 11739509 | 5 % | 11471800 | 5 % | |
| Итали | 9726000 | 4 % | 10000000 | 4 % | |
| Æндæр бæстæтæ | 85113483 | 37 % | 88344480 | 37 % | |
| Æдæппæт | 232836318 | 100 % | 237849362 | 100 % | |
 |
Ацы статьяйы автортæй чидæр пайда кодта газет «Рæстдзинад»-æй ист æрмæджытæй. «Рæстдзинад»-ы редакци ахæм бар дæтты. |
