|
Wilkum zu der Wikipedia in Deitsch!
Des Wikipedelche do iss en Project fer en Uffguckbichli uffbaue in Pennsilfaanisch Deitsch. Du bischt eiglaade fer mithelfe. Sidder em Tschulei 2005 sinn mir do, unn nau henn mir 1,421 Ardickele in dem do deitsche Uffguckbichli.
Alliebber - even yeder Leser - kann ennich Ardickele verbessere, Mischteeks tscheensche, Ardickele vergreesere, odder Ardickele schenner mache. Kannscht yuscht rum gucke aa. Du kannscht even Ardickele nooch Category uffgucke. Awwer wann du witt, kannscht schreiwe en bissel, odder schreiwe viel. Yeder Ardickel hot en "Gschwetz" wo du some Comments gewwe kannscht.
|
|
|
Ardickel vun der Woch
Der erscht Deutsch-Pennsylvanischer Tag hot Blatz genumme im glee Schtettel Oberalben in die Pfalz. 'S waar wunnerbaar guudes Wetter, un baut 110 Leit waare kumme fer's Prograem sehne un abhariche. Un soweit, as mer hot heere kenne, waar alliebber froh fer do gwesst sei. Der Roland Paul vum Institute for Palatine History and Folklife Studies in Kaiserslautern hot gschwetzt iwwer die Paelzer, as gezogge sin naach America im 18. Yaahrhunnert, un wie sie naachher zu Pennsylvaanisch-Deitsche warre sin. Der Butch Reigart, der Raymond Fisher un der Dr. Walter Sauer hen pennsylvaanisch-deitsche Gedichte un Gschichte gelese, un die Leit hen sell aarick gegliche un en latt glacht. Am End hot die Musick Band Reinig, Braun un Böhm paelzische und pennsylvaanisch-deitsche Musick Schticker gschpielt.
Friehere Ardickele fer die Woch: Die Dolpehock Saenger Chor, Lengeschder Blatznaame
|
|
|
Wadde-Scheier
Do im Wadde-Scheier finnscht Du all die Wadde eiglagert, ass Du vielleicht schun kennscht, awwer aa viel Wadde, ass Du vergesse hoscht, odder wu net glei eifalle wolle, odder aa neie un nitzliche Wadde, ass Du noch nie gheert hoscht.
Du finnscht zum Beischpiel es Watt "Amschel" net unner "A", sunner unner der Rubrick "Veggle" - un die Rubrick "Veggle" in der Rubrick "Diere" - un die Diere, die finnt mer nadierlich in der "Naduur".
Die Waddescheier in alphabetischer Ardning: English/Pennsylvania German/High German dictionary
|
|
|
Vedderbortsch Neiichkeede
- Uff der 17 Matz 2007 Pennsylvaanisch Deitscher Daag, HACC, Lebanon
- Uff der 3 Matz 2007 Der Nei Dolehock Sanger Chor singt uff Berks County TV
- Uff der 22 Hanning 2007 Pennsylvaanisch Deitsch Schwetzerei Drupp, HACC, Lebanon
- Uff der 4 Hanning 2007 Pennsylvania German Dialect Program, Schwenkfelder Library and Heritage Center Contact: www.schwenkfelder.com Location: Pennsburg Time: 2:00 PM
- Uff der 2 Hanning 2007 Der Nei Dolehock Sanger Chor singt uff Berks County TV
- Uff der 25 Yenner 2007 Pennsylvaanisch Deitsch Schwetzerei Drupp, HACC, Lebanon
Nuus
|
Sunday der 15 Abrill 2007
|
|
