Adranu
Di Wikipedia, l'enciclopedìa lìbbira.
| Adranu | |
 |
|
| Muttu: | |
| Nomu ufficiali: | Adrano |
|---|---|
| Pruvincia: | Catania (CT) |
| Superfici: | 82,51 km² |
| Abbitanti: | 34.290 |
| Dinzitati: | 415,6 ab./km² |
| Cumuni cunfinanti: | Belpassu, Biancavilla, Bronti, Castigghiuni di Sicilia, Centuripe (EN), Malettu, Niculosi, Rannazzu, Sant'Arfiu, Zaffarana Etnea |
| CAP: | 95031 |
| Prifissu telefònicu: | +095 |
Adranu (Darnò) è un cumuni di 34.290 abbitanti dâ pruvincia di Catania.
Lu paisi di Adranu è supra nu chianu àutu fattu di lava ca è supra la vaddi dû ciumi Simetu. Adranu vanta na granni pruduzzioni agraria di agrumi, alivi, pistacchî, e ligumi. C'è puru la ripruduzzioni di li bestiami.
Lu nomu "Adranu" deriva dû latinu "Adranon" pi dari l’onuri a lu Diu omònimu. Diunisiu I funnau lu primu centru di abbitazzioni ccà ntô 400 a.C. cu nu tempiu didicatu a la divinitati. Ntô 344 a.C. era la banna di lu famusu cummatimentu tra li Liuntini e li Curinzî. Doppu, lu paisi vinni sutta lu duminiu rumanu e c’era nu periodu di dicadenza longa longa. Duranti la duminazzioni àrabba fu nu paisi putenti fiudali e suttu la dinastia nurmanna addivintau na cuntìa mpurtanti cu lu nomu di Adernò.
Ntô seculu XIV fu suttu lu nubbili Matteu Sclafani e poi a la famigghia di Moncada pirfina a l’abbulizzioni di li diritti fiudali. Ntô 1929 canciau lu nomu “Adernò” a chiddu origginali, Adranu.
Chi si pò vìdiri a Adranu? Si ponnu vìdiri la Chesa Matri di fattura nurmanna, lu Munasteru di S. Lucia ca la genti fabbricau ntô 1596, oggi è la seggia di na scola pùbbrica. Tra li strutturi architittonichi cci sunnu lu Casteddu nurmannu dû seculu XIV unni c’è lu Museu archiuloggicu e lu Tiatru Bellini dû 1846, n stilu liberty.
