Chianuforti
Di Wikipedia, l'enciclopedìa lìbbira.
Lu chianuforti', cchiù familiarmenti chiamatu pianu o pianuforti è nu strummentu a cordi chi vibbranu grazzi â di martidduzzi azziunati di na tastiera di 88 noti. Po essiri a cuda, a menza cuda, o drittu, secunnu la disposizzioni dî cordi. L'uriggini dû nomu diriva dû fattu chi lu pianu, a diffirenza dû clavicèmmalu pirmetti di modulari lu vulumi di na nota facennu na prissioni cchiù o menu forti supra lu tastu. Cumposizzioni pi pianu foru scritti di quais tutti li musicisti cchiù cèlibbri, comu Beethoven, Mozart, o Chopin. Na cosa curiusa è ca Johann Sebastian Bach puru si canuscìa l'esistenza dû pianu, nun apprizzava assai la musica sunata cu stu strummentu, forsi pirchì all'èbbica, la tecnica di custruzzioni dû pianu nun era stata ancora pirfizziunata.
