Ficarazzi
Di Wikipedia, l'enciclopedìa lìbbira.
| Ficarazzi | |
 |
|
| Muttu: | |
| Nomu ufficiali: | Ficarazzi |
|---|---|
| Pruvincia: | Palermu (PA) |
| Superfici: | 3,56 km² |
| Abbitanti: | 9.415 |
| Dinzitati: | 3138 ab./km² |
| Cumuni cunfinanti: | Bagarìa, Misilmeri, Palermu, Villabbati |
| CAP: | 90010 |
| Prifissu telefònicu: | +091 |
Ficarazzi è nu cumuni sicilianu ca s'attrova a 129 Km. di Girgenti, a 132 Km. di Caltanissetta, a 239 Km. di Catania, a 151 Km. d'Enna, a 249 Km. di Missina, a 11 Km. di Palermu, â cui pruvincia apparteni, a 273 Km. di Rausa, a 297 Km. di Sarausa, e a 109 Km. di Tràpani.
Lu cumuni cunta 9.083 abbitanti e havi na superfici di 356 èttari pi na dinzitati abbitativa di 2.551 abbitanti pi chilòmitru quatratu. Sorgi nta na zona liturali chianiggianti, posta a 23 metri susu lu liveddu dû mari.
Lu municipiu è situ n Corso Umberto I, tel. 091-495236 fax. 091-496740.
Rilivanti è ntô paisi la pruduzzioni di prudotti agrìculi e ortufruttìculi. 'N autunnu si svorci la fera di lu pani e di lu sfinciuni, prudotti tìpici dû locu.
Fakarazz era lu nomu àrabbu di Ficarazzi, ca signìfica accillenti, mpurtanti. Ntô Mediuevu fu fèu di prupità dâ famigghia Chiaramonte. Ntô XIV sèculu, lu burgu nicu passau ntê manu dâ famigghia La Grua ca lu cuvirnaru pi tuttu lu XV sèculu. Ntô 1648 lu vicirè Pietro Speciale ci custruìu nu casteddu, ca divinni la sò dimura: a li nizzi dû 1700 fu trasfurmatu n villa cu na longa e pitturisca scalunata, tutt'oi asistenti.
Fra li nummirusi monumenti, c'è la Chiesa del Crocifisso, nta cui si cunzerva nu mpunenti crucifissi lìgniu e l'acquidottu, c'acchiana a lu 1400. Mpurtanti sunnu macari la Villa Merlo e lu Baglio Quattrociocchi.
Na curiusa custumanza voli ca si poti asciari nu tisoru ntâ vicina campagna di Ficarazzi, assittànnusi susu ddu turrenu e manciannu nu piattu di pasta cu dî sausizzi.
