Sicilia (èbbica rumana)

Di Wikipedia, l'enciclopedìa lìbbira.

L' ébbica rumana dâ Sicilia si pò fari accuminzari ntô 227 a.C. Duranti li guerri pùnichi li rumani tràsinu 'n Sicilia, e picca a picca bàttinu li cartagginisi a ovest e li greci ntê costi urientali.

Cuvirnata di nu prituri e di dû chisturi, la Sicilia è la prima pruvincia rumana. Grazzî ê dazzi 'n natura chi la Sicilia paia a Roma, l'ìsula assicura un quartu dî furnituri agrìculi chi agghìcanu ntâ capitali. L'ìsula nti stu pirìudu è sfruttata pi lu granu.

Ciciruni, priparannu l'accusa contra Verri, visita la Sicilia e cunstata chê sò occhi li dammaggî dâ pulìtica di supraffazzioni di Verri.

[cancia] Munumenta

Di l'èbbica rumana restunu in Sicilia assai munumenti. Lû Teatru Grecu-Rumanu di Taurmina è unu di l'esempi cchiù mpurtanti. Ma l'anfiteatru rumanu di Sarausa e la Villa dû Casali a Chiazza sunnu puru esempi di architittura rumana in Sicilia assai rapprisintativa.

[cancia] Crunuluggìa

• 227 a.C. - La Sicilia è arridduciuta a pruvincia rumana.
• 218 a.C. - 201 a.C. - Secunna guerra pùnica.
• 211 a.C. - Marcellu sacchìa Sarausa, ribelli a Roma, doppu lu loncu assèggiu.
• 149 a.C. - 146 a.C. - Terza guerra pùnica e distruzzioni di Cartàggini.
• 138 a.C. - 131 a.C. - Rivota di schiavi capiata di Eunu.
• 104 a.C. - 99 a.C. - Secunna rivota di schiavi capiata dû schiavu Trifuni.
• 70 a.C. - Verri, prituri in Sicilia, veni accusatu di malvirsazzioni. Di l'accusa veni ncarricatu Ciciruni.
• 48 a.C. - Battagghia di Farsalu.
• 44 a.C. - Lu figghiu di Pompeu, Sestu Pompeu, cuntrolla cû sò flottu Sardegna, Còrsica e Sicilia.
• secunnu sèculu d.C. - Diffusioni dû Cristianèsimu.
• 251 - Martiriu di Sant'Àgata a Catania.
• 304 - Martiriu di Santa Lucìa a Sarausa.
• 468 - Ginzericu, reghi dî Vànnali stanziati 'n Àfrica, suttametti l'ìsula.