Truncamentu
Di Wikipedia, l'enciclopedìa lìbbira.
Ntô campu dâ matimàtica di l' anàlisi numèrica, lu truncamentu è lu tèrmini usatu pi ridùciri lu nùmmuru dî cifri â manu dritta dâ puntu dicimali, luvànnu chiddi cu picca valuri.
P'asempiu, cunziddirati li nùmmura riali:
- 3,14159265358979...
- 32,438191288
- 6,3444444444444
Pi truncari sti nùmmura finu a quattru cifri dicimali, usamu sulu li 4 cifri â manu dritta dâ vìrgula.
Lu risurtatu è:
- 3,1415
- 32,4381
- 6,3444
Si nota ca lu truncamentu nun duna nu risurtatu pricisu 'n tèrmini dâ matimàtica, ma ntruduci l' erruri di truncamentu.
