Powmont
Frae Wikipedia
Powmont (Inglis: Polmont; Scots Gaelic: Poll-Mhonaidh (Pool o the Hill)) is a clachan that lees fower mile (6.5 km) tae the aest o Fawkirk, Scotland. It lees close tae the M9 motorwey connectin Embro an Glesca. Powmont railwey station is locate on the main Embro tae Glesca railwey line.
The population o Powmont is aboot 5,422.
Mony fowk associates Powmont wi the Young Offenders Institution (HMYOI) altho it is actually in the neebourin clachan Brichtons, that's the ae centre haudin convictit young offenders in Scotland an hauds a signeeficant feck o remand young offenders frae the Wast o Scotland. It hooses the Scots Prison Service (SPS) College an aw. HMYOI Powmont is situate in baith Brichtons an Reddinmuirheid, 1.5 mile (2.5km) frae Powmont. Ower the road frae the preeson is Braes Hie Schuil. The clachan haes a gowf coorse an ither sportin faceelities. It haes its ain aspirin fitbaw league an aw, the League o Powmont.
