Kabupatén
Ti Wikipédia, énsiklopédi bébas
| Babagian administratif di Indonésia |
|---|
| Tingkat Propinsi |
| Tingkat Kabupaten/Kota |
|
Kabupatén • Kota |
| Tingkat Kacamatan |
| Tingkat Kalurahan/Désa |
| Tempo ogé |
|
Dusun • Lingkungan |
| édit |
Kabupatén nyaeta babagian wilayah administratif di Indonésia sanggeus propinsi. Kabupatén dipingpin ku bupati. Sajaba ti kabupatén, babagian wilayah administratif sanggeus propinsi nyaeta kotamadya. Sacara umum, kabupatén jeung kotamadya mibanda wewenang anu sarua. Kabupatén lain bawahan propinsi, ku sabab eta bupati atawa walikota henteu tanggung jawab ka gubernur. Boh kabupatén atawa kotamadya mangrupakeun daérah otonom nu dibéré wewenang pikeun ngatur jeung ngurus urusan pamaréntahannana sorangan.
Sanajan istilah kabupatén dina mangsa kiwari digunakeun di sakuliah Indonésia, istilah ieu baheula ukur digunakeun di pulo Jawa jeung Madura wungkul. Dina jaman Walanda, istilah kabupatén disebut regentschap, nu sacara harpiah hartina daérah kakawasaan regent atawa wakil pangawasa. Babagian wilayah kabupatén di Indonésia kiwari mangrupakeun warisan ti jaman pamaréntahan Walanda.
Saméméhna istilah kabupatén dipikawanoh minangka Daérah Tingkat II Kabupatén. Ti saprak diberlakukeunnana Undang-undang Nomer 22 Taun 1999 ngeunaan Pamaréntahan Daérah, istilah Daérah Tingkat II dipupus, sahingga Daérah Tingkat II Kabupatén ngan ukur disebut Kabupatén. Istilah "Kabupatén" di propinsi Nanggroe Acéh Darussalam disebut oge "Sagoe".
