Afrika ya Mashariki ya Kijerumani

From Wikipedia

Afrika ya Mashariki ya Kijerumani

Mwanzo wa utawala wa kikoloni	1885
Makao ya serikali ya kikoloni	Bagamoyo hadi 1891 halafu Daressalam
Eneo	995.000 km²
Wakazi	7.700.000 (1913)
Wakazi Wajerumani	4100 (1913)
Pesa	1 Rupia= 64 Pesa, kuanzia 1905 1 Rupia = 100 Heller
Nchi huru za leo	1961 Tanganyika, tangu 1964 Tanzania Ruanda Burundi

Afrika ya Mashariki ya Kijerumani (au: ya Kidachi) ilikuwa jina la koloni ya Ujerumani huko Afrika ya Mashariki kati ya 1885 hadi 1918/1919.

Eneo lake lilijumlisha nchi za kisasa za Tanzania bara (bila Zanzibar), Burundi na Rwanda. Ilikuwa koloni kubwa kabisa ya Dola la Ujerumani.

Koloni ilianzishwa na mfanyabiashara Mjerumani Karl Peters mwaka 1885 kwa niaba ya "Shirika la Kijerumani kwa Afrika ya Mashariki".

Baada ya upinzani wa wenyeji wa pwani mwaka 1889/1890 wakiongozwa na Abushiri na Bwana Heri serikali ya Ujerumani iliingilia kati na kufanya eneo lote kuwa koloni ya Dola la Ujerumani badala ya shirika.

Utawala wa Kijerumani ulikwisha katika Vita Kuu ya Dunia ya Kwanza (1914 - 1918) kutokana na uvamizi wa Uingereza na Ubelgiji.

Katika Mkataba wa Versailles mwaka 1919 eneo la koloni ya Kijerumani iligawiwa. Sehemu ya Tanganyika ilikabidhiwa kwa Uingereza na maeneo ya Rwanda na Burundi yaliwekwa chini ya Ubelgiji.

Makala hiyo kuhusu "Afrika ya Mashariki ya Kijerumani" bado ni mbegu. Unaweza kusaidia kuikuza kwa kubofya kitufe kilichoandikwa "hariri". Ikiwepo makala kuhusu Afrika ya Mashariki ya Kijerumani kwa lugha nyingine, unaweza kuitafsiri kwa Kiswahili.