Benjamin Mkapa
From Wikipedia
Benjamin William Mkapa alikuwa rais wa tatu wa Jamhuri ya Maungano ya Tanzania alitawala 1995-2005.
Alizaliwa tar. *12 Novemba 1938 Masasi, Mkoa wa Mtwara, Tanzania. 1945 - 1951 akasoma shule za msingi Lupaso na Ndanda akaendelea Kigonsera seminari, Ndanda Sekondari, St. Francis (sasa Pugu SS) akimaliza hati za A-level. 1959-1962 akawa mwanafunzi wa Chuo Kikuu cha Makerere, Uganda akichukua B.A. ya Kiingereza.
Mkapa akjiunga na utumishi wa umma akawa afisa wa serikali ya mitaa huko Dodoma 1962 akahamia Wizara ya Mambo ya Nje.
Mw. 1966 aliingia uandishi wa habari akawa mkurugenzi wa magazeti ya Uhuru na Daily News. 1974 aliteuliwa na Rais Julius Kambarage Nyerere kuwa afisa yake ya uhusiano na magazeti. 1976 alianzisha Shirika ya Habari ya Tanzania (SHIHATA).
Tangu mw. 1976 Mkapa akaingia katika huduma ya kibalozi akichukua nafasi zifuatazo: balozi wa Tanzania huko Nigeria 1976/77, Waziri wa Mambo ya Nje 1977-1980, 1982 balozi Kanada, 1983 balozi Marekani, 1984-1990 Waziri wa Mambo ya Nje.
1990 akawa Waziri wa Habari na Redio, 1992 Waziri wa Sayansi, Teknolojia na Elimu.
1995 Benjamin Mkapa aliteuliwa na CCM kugombea uchaguzi wa kwanza chini ya mfumo wa vyama vingi akashinda na kuapishwa kuwa rais tar. 23.11.1995. Mkapa alirudishwa katika uchaguzi wa mwaka 2000.
Kipindi chake cha pili kufuatana na katiba kilikwisha Disemba 2005 akamkabidhi madaraka mfuasi wake Jakaya Mrisho Kikwete.
Kazi muhimu katika miaka ya urais wake ilikuwa kulegeza utawala wa serikali juu ya uchumi na kupanusha uhuru wa masoko. Shirika nyingi za umma ziliuzwa au kubinafsishwa. Siasa ya Mkapa ililenga kukaribisha wenye rasilmali wa nje kuanzisha biashara nchini.
Serikali ya Mkapa ilifaulu kupunguza madeni ya taifa kwa njia ya mapatano na Benki ya Dunia yaliyofuta sehemu ya madeni haya.
Wapinzani wa siasa ya Mkapa walidai ya kwamba makampuni wa nje yalipewa uhuru mno yakianza kutawala uchumi wa Tanzania, pia hali ya maisha ya wananchi wa kawaida haikuboreshwa.
