Bigas
Mula sa Tagalog Wikipedia, ang malayang ensiklopedya.
Ang bigas ay isang karaniwang kataga para sa kiniskis na palay na tinanggal ang ipa, darak, at germ nito. Pinapakinis ito pagkatapos makiskis, na nagbibigay sa produkto ng maliwanag, maputi, at makintab na anyo. Yayamang mayroong mga diyetetikang fiber ang darak nito, mayroong mga bitamina at mineral ang germ nito, at tinanggal ang panlabas na aleurone layer nito, isang walang laman na gawgaw lamang ang bigas.
[baguhin] Pagluluto ng bigas
Sinasaing ang mga butil ng bigas kasama ang katumbas na tubig upang maging kanin kapag inin na. Kung labis ang sabaw nito nagiging lugaw na. Kapag napasobra ang pagluluto nito nagiging tutong ang ilalim na bahagi. Malimit na niluluto ang mga natirang kanin upang gawing sinangag. Kadalasang niluluto ang kanin sa palayok o kaldero ngunit marami na rin ang gumagamit ng mga rice cooker, isang elektronikong kagamitan.
Hindi lamang kanin ang maaaring luto sa bigas, ang malagkit na bigas kasama ang ibang mga sangkap ay maaaring gawing mga kakanin katulad ng suman, bibingka, puto at biko.
[baguhin] Bigas sa popular na kultura
- Sa Pilipinas, tinatapon ang bigas sa mga karamihan ng bagong kasal upang mabigay na kasaganahan.
- Tungkol sa bigas ang isa sa tanyag na linya sa pelikula ni Fernando Poe, Jr. na Kapag puno na ang salop noong 1987 kasama si Eddie Garcia:
- Eddie Garcia: "Marami ka pang bigas na kakainin."
- Fernando Poe, Jr.: "Di ako kumakain ng bigas. Sinasaing ko muna para maging kanin. Ikaw Judge, palay pa lang kinakain mo na."
